പല്ല് തേക്കുമ്പോള്‍ ബ്രഷില്‍ രക്തം, ആപ്പിളോ പഴമോ മറ്റോ കഴിക്കാനെടുക്കുമ്പോള്‍ അതില്‍ രക്തം.. ഇതൊക്കെ സാധാരണമല്ലേ എന്നോര്‍ത്ത് കാര്യമാക്കാതെ വിടുന്നവരാകും മിക്കവരും. എന്നാല്‍ ഇങ്ങനെ മോണയില്‍ നിന്ന് വരുന്ന രക്തസ്രാവത്തെ അവഗണിക്കരുതെന്നാണ് വിദഗ്ധര്‍ പറയുന്നത്.
വൃത്തിയില്ലായ്മ തന്നെയാണ് പ്രധാനകാരണം. വൃത്തിയായി സൂക്ഷിക്കാത്ത വായ അണുക്കളുടെ വാസസ്ഥലമാണ്. അണുക്കൾ മൂലം മോണയിൽ പഴുപ്പുണ്ടാവുകയും ഇത് രക്തം വരുന്നതിനിടയാക്കുകയും ചെയ്യും. ശരീരത്തിൽ വൈറ്റമിൻ സിയുടെയും കെയുടെയും അഭാവം ഉണ്ടായാലും ഇത് സംഭവിക്കാം. വളരെ കഠിനമായി ബ്രഷ് ചെയ്യുക അല്ലെങ്കിൽ വേണ്ടത്ര മൃദുവല്ലാത്ത ടൂത്ത് ബ്രഷ് ഉപയോഗിച്ചാലും മോണയില്ർ നിന്ന് രക്തം വരാവുന്നതാണ്.
പ്രതിരോധശേഷി വർദ്ധിപ്പിക്കുന്നതിനുള്ള ഒരു പോഷകമാണ് വിറ്റാമിൻ സി. മോണയിലെ രക്തസ്രാവം തടയാൻ വൈറ്റമിൻ സിക്ക് കഴിയും. ഭക്ഷണത്തിൽ ഓറഞ്ച്, നാരങ്ങ, ചെറി, കാരറ്റ് എന്നിവയുടെ ഉപയോഗം വർദ്ധിപ്പിച്ചാല്ർ പ്രശ്നത്തിന് ഒരു വിധം പരിഹാരം കണ്ടെത്താവുന്നതാണ്. ദിവസവും ഉപ്പുവെള്ളം കൊണ്ട് വായ കഴുകിയാൽ മോണരോഗം ഒരു പരിധി വരെ തടയാനാകും. ഉപ്പ് ആൻറിസെപ്റ്റിക് ഗുണമുള്ളതാണ്. ഈ ഗുണങ്ങൾ മോണയിൽ നിന്ന് രക്തം വരുന്നതിനെയും മറ്റ് അണുബാധകളെയും തടയും.
ചൂടുവെള്ളത്തിൽ ഉപ്പിട്ട് ദിവസം മൂന്നു തവണയെങ്കിലും വായ കഴുകുന്നത് ഏറെ നല്ലതാണ്. കുറച്ച് തേൻ കൈവിരലിലെടുത്ത് മോണയിൽ തടവുക. ഇത് നിത്യേന ചെയ്യണം. തേനിന്റെ ആൻറി ബാക്ടീരിയൽ സ്വഭാവം മോണയെ അണുബാധയിൽ നിന്ന് രക്ഷിക്കും. വെളിച്ചെണ്ണയോ എള്ളെണ്ണയോ ഉപയോഗിച്ച് വായ കഴുകുന്നത് മോണരോഗത്തിന് ഏറെ നല്ലതാണ്. തൈര്, ഗ്രീൻ ടീ, വെളുത്തുള്ളി എന്നിവ മോണയുടെ ആരോഗ്യം സംരക്ഷിക്കും.
പ്രതികരിക്കാൻ ഇവിടെ എഴുതുക: