കരിയറിലെ സുവർണകാലഘട്ടത്തിലൂടെയാണ് മമ്മൂട്ടി ഇന്ന് കടന്ന് പോകുന്നത്. ഒന്നിന് പിറകെ ഒന്നായി മികച്ച സിനിമകൾ മമ്മൂട്ടിയെ തേടിയെത്തുന്നു. കണ്ണൂർ സ്‌ക്വാഡാണ് ഒടുവിൽ പുറത്തിറങ്ങിയ മമ്മൂട്ടി ചിത്രം. കാതൽ ആണ് മമ്മൂട്ടിയുടെ റിലീസിന് ഒരുങ്ങുന്ന ചിത്രം. നവംബർ 23നാണ് ചിത്രം തിയേറ്ററിൽ റിലീസിന് എത്തുന്നത്. ജ്യോതികയാണ് ചിത്രത്തിൽ മമ്മൂട്ടിയുടെ നായികയായി എത്തുന്നത്.
അഭിനയത്തിന്റെ പുത്തൻ മേച്ചിൽപ്പുറങ്ങൾ തേടുന്ന നടൻ മമ്മൂട്ടി അടുത്ത ചിത്രത്തിൽ സ്വവർഗാനുരാഗിയുടെ വേഷം ചെയ്യുമെന്ന് റിപ്പോർട്ട്. അദ്ദേഹത്തിന്റെ കരിയറിൽ തന്നെ ആദ്യമായാകും ഇങ്ങനെയൊരു വേഷം. ഈ ചിത്രം ഇനിയും റിലീസ് ചെയ്തിട്ടില്ല. എന്നാൽ ചിത്രം പ്രദർശിപ്പിക്കുന്ന ഒരു മേളയിൽ പുറത്തുവിട്ട രത്നചുരുക്കത്തിലാണ് ഇങ്ങനെയൊരു സൂചന പുറത്തുവന്നത്
ഇന്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ (ഐഎഫ്എഫ്ഐ) പ്രീമിയറിന് മുന്നോടിയായി പുറത്തിറങ്ങിയ ചിത്രത്തിന്റെ സിനോപ്സിസ് ആണ് ഇപ്പോൾ ചർച്ചയായിരിക്കുന്നത്. ഭാര്യ ഓമന, മകൾ ഫെമി, പിതാവ് എന്നിവരോടൊപ്പം താമസിക്കുന്ന ജോർജ് ദേവസിയുടെ വേഷമാണ് മമ്മൂട്ടി ചെയ്യുന്നത്. റിട്ട. കോ-ഓപ്പറേറ്റീവ് ബാങ്ക് ഉദ്യോഗസ്ഥനാണ് ജോർജ് ദേവസി.പഞ്ചായത്ത് തെരഞ്ഞെടുപ്പിൽ മത്സരിക്കാൻ ജോർജ് തീരുമാനിച്ച് രണ്ട് ദിവസത്തിന് ശേഷം ഓമന വിവാഹമോചനത്തിന് അപേക്ഷിക്കുന്നു
ജോർജ്ജ് സ്വവർഗരതിയിൽ ഏർപ്പെട്ടിരിക്കുകയാണെന്നും, അതിൽ ഭാര്യക്ക് ഒരു പ്രശ്‌നവുമില്ലെന്നും അവരുടെ വിവാഹം അവസാനിപ്പിക്കാൻ മാത്രമാണ് ആഗ്രഹിക്കുന്നതെന്നുമാണ് ഓമന ഹർജി നൽകാനുള്ള കാരണമെന്ന് ഐഎഫ്എഫ്ഐ സംഗ്രഹം പറയുന്നു.ഇതേച്ചുറ്റിപ്പറ്റിയുള്ള ഊഹാപോഹങ്ങൾ തന്റെ രാഷ്‌ട്രീയ മോഹങ്ങളെ ബാധിക്കുന്നുണ്ടെങ്കിലും ജോർജ്ജ് ഈ ആരോപണങ്ങൾ തള്ളിക്കളയുന്നു. ‘സ്വവർഗ ലൈംഗിക ബന്ധങ്ങളെക്കുറിച്ചുള്ള സമൂഹത്തിന്റെ ധാരണ, വിവാഹത്തിന്റെ നിലനിൽപ്പ്, നീതി’ എന്നിവ സിനിമ പര്യവേക്ഷണം ചെയ്യുന്നു.എന്നാണ് ഒ.ടി.ടി പ്ലേ റിപ്പോർട്ട് ചെയ്യുന്നത്.
ജ്യോതിക മലയാളത്തിൽ നായികയാവുന്ന ‘കാതൽ: ദി കോർ’ എന്ന ചിത്രത്തിലാണ് പ്രതിപാദ്യം. മലയാള സിനിമയിൽ സ്വവർഗ്ഗാനുരാഗ കഥാപാത്രങ്ങളെ അവതരിപ്പിച്ച താരങ്ങൾ കുറവാണ്. റോഷൻ ആൻഡ്രൂസിന്റെ മുംബൈ പോലീസിൽ പൃഥ്വിരാജ് സുകുമാരൻ അത്തരമൊരു കഥാപാത്രമായി എത്തിയിരുന്നു
പ്രതികരിക്കാൻ ഇവിടെ എഴുതുക: