അ​ഗ്രഹാരവീഥികളിലൂടെ പ്രയാണത്തിനൊരുങ്ങി രഥങ്ങൾ; കൽപ്പാത്തി രഥോത്സവം ഇന്ന്

പാലക്കാട്: കൽപ്പാത്തി രഥോത്സവത്തിന് ഇന്ന് തുടക്കമാകും. വിശാലാക്ഷി സമേത വിശ്വനാഥ സ്വാമി ക്ഷേത്രത്തിലെ വിശ്വനാഥ സ്വാമി, ഗണപതി, സുബ്രമണ്യൻ എന്നിവരുടെ മൂന്ന് രഥങ്ങളാണ് ഇന്ന് അഗ്രഹാര വീഥിയിലൂടെ പ്രയാണം നടത്തുക. രാവിലെ നടക്കുന്ന രഥാരോഹണത്തിനുശേഷം വൈകുന്നേരമാണ് രഥപ്രയാണം ആരംഭിക്കുക. 16-നാണ് ദേവരഥ സംഗമം.

പാലക്കാട് ജില്ലയിലെ കൽപ്പാത്തി ​ഗ്രാമത്തിലെ ശ്രീ വിശാലാക്ഷി സമേത ശ്രീ വിശ്വനാഥസ്വാമി ക്ഷേത്രത്തിൽ എല്ലാ വർഷവും നടത്തുന്ന ഉത്സവമാണ് കൽപ്പാത്തി രഥോത്സവം. ശ്രീ വിശാലാക്ഷി സമേത ശ്രീ വിശ്വനാഥസ്വാമി ക്ഷേത്രത്തിലാണ് രഥോത്സവം നടക്കുന്നത്. പരബ്രഹ്മമൂർത്തിയായ കാശി വിശ്വനാഥപ്രഭുവും ഭഗവാന്റെ പത്നിയും ആദിപരാശക്തിയുമായ വിശാലാക്ഷിയുമാണ് ഈ ക്ഷേത്രത്തിലെ പ്രധാന പ്രതിഷ്ഠകൾ. ലക്ഷ്മീനാരായണപ്പെരുമാൾ, മന്തക്കര മഹാഗണപതി തുടങ്ങി ഗ്രാമത്തിലെ മറ്റ് ക്ഷേത്രങ്ങളിലെ മൂർത്തികളും രഥോത്സവത്തിൽ പങ്കെടുക്കാറുണ്ട്.