ഉണ്ണി മുകുന്ദൻ നായകനാകുന്ന പുതു ചിത്രം നവംബർ 9; മോഷൻ പോസ്റ്റർ പുറത്തുവിട്ട് അണിയറപ്രവർത്തകർ

ഉണ്ണി മുകുന്ദൻ നായകനാകുന്ന നവംബർ 9 എന്ന ചിത്രത്തിന്റെ അനൗൺസ്മെന്റ് മോഷൻ പോസ്റ്റർ പുറത്തുവിട്ട് അണിയറപ്രവർത്തകർ. ക്യൂബ്സ് എന്റർടെയിൻമെന്റ്സിന്റെ ബാനറിൽ ഷരീഫ് മുഹമ്മദ്, അബ്ദുൾ ഖദ്ദാഫ് എന്നിവരാണ് ചിത്രത്തിന്റെ നിർമ്മാണം. മാധ്യമപ്രവർത്തകൻ പ്രദീപ് എം നായരാണ് ചിത്രത്തിന്റെ തിരക്കഥയും സംവിധാനവും നിർവഹിക്കുന്നത്.

ബാബറി മസ്ജിദ് പശ്ചാത്തലമാക്കിയാണ് ചിത്രത്തിന്റെ അനൗൺസ്മെന്റ് പോസ്റ്റർ പുറത്തിറക്കിയിരിക്കുന്നത്. ഹനീഫ് അദേനി ഒരുക്കുന്ന ആക്ഷൻ എന്റർടെയ്നർ മാർക്കോ ആണ് ക്യൂബ്സ് മുമ്പ് പ്രഖ്യാപിച്ചിരുന്ന ചിത്രം. ഇതിന് പിന്നാലെയാണ് നവംബർ 9 എന്ന ചിത്രം കൂടി ഉണ്ണി മുകുന്ദനെ നായകനാക്കി പ്രഖ്യാപിച്ചിരിക്കുന്നത്.

മാർക്കോയ്‌ക്ക് ശേഷമാകും നവംബർ 9 എന്ന ചിത്രത്തിന്റെ ചിത്രീകരണം ആരംഭിക്കുക. അടുത്ത വർഷം അവസാനത്തോടെ ചിത്രം പ്രദർശനത്തിനെത്തും.