കണ്ണൂര്‍: 65-ാമത് കേരള സ്‌കൂള്‍ ഗെയിംസ് ഗ്രൂപ്പ് മൂന്നിലെ 10 ഇനങ്ങളില്‍ ഏഴെണ്ണം പൂര്‍ത്തിയായി. ഇന്നലെ നടന്ന ചെസ്സ് ചാമ്പ്യന്‍ഷിപ്പില്‍ കണ്ണൂര്‍ ജില്ല കിരീടം നേടി.
കൊല്ലം ജില്ല രണ്ടാം സ്ഥാനവും തിരുവനന്തപുരം മൂന്നാം സ്ഥാനവും കരസ്ഥമാക്കി. ജിംനാസ്റ്റിക്‌സ് മത്സരങ്ങളില്‍ 27 സ്വര്‍ണവും 29 വെള്ളിയും 25 വെങ്കലവുമായി തിരുവനന്തപുരം ജില്ല കിരീടം നേടി. കണ്ണൂര്‍ ജില്ല രണ്ടാം സ്ഥാനവും കോഴിക്കോട് ജില്ല മൂന്നാം സ്ഥാനവും കരസ്ഥമാക്കി. ആര്‍ച്ചറി മത്സരങ്ങള്‍ പൂര്‍ത്തിയായപ്പോള്‍ 7 സ്വര്‍ണവും നാലു വെള്ളിയും ഒരു വെങ്കലവുമായി പാലക്കാട് ജില്ല കിരീടം കരസ്ഥമാക്കി. വയനാട് ജില്ല രണ്ടാം സ്ഥാനവും തിരുവനന്തപുരം മൂന്നാം സ്ഥാനവും നേടി.
ആറാം ദിനമായ ഇന്ന് സീനിയര്‍ ആണ്‍കുട്ടികളുടെയും പെണ്‍കുട്ടികളുടെയും ബോക്‌സിങ് മത്സരങ്ങള്‍ ജിവിഎച്ച്എസ്എസ് സ്‌പോര്‍ട്‌സില്‍ വെച്ചും ജൂനിയര്‍ ആണ്‍കുട്ടികളുടെയും പെണ്‍കുട്ടികളുടെയും ബാഡ്മിന്റന്‍ മത്സരങ്ങള്‍ ഡ്രീം ബാഡ്മിന്റണ്‍ അരീന കക്കാട് വെച്ചും സീനിയര്‍ ആണ്‍കുട്ടികളുടെയും പെണ്‍കുട്ടികളുടെയും ത്രോ ബോള്‍ മത്സരങ്ങള്‍ സെന്റ് മൈക്കിള്‍സ് എഐഎച്ച്എസ്എസില്‍ വെച്ചും നടത്തും.
പ്രതികരിക്കാൻ ഇവിടെ എഴുതുക: