തുറന്ന വണ്ടിയില്‍ നിന്ന് വീണ് മന്ത്രിയും ബിആര്‍എസ് നേതാവുമായ കെടിആര്‍ റാവു; സംഭവം തെലങ്കാനയിലെ ഇലക്ഷന്‍ പ്രചാരണ റാലിക്കിടെ (വീഡിയോ)

നിസാമാബാദ്: സംസ്ഥാനത്ത് നിയമസഭാ തെരഞ്ഞെടുപ്പ് റാലിക്കിടെ തെലങ്കാന മന്ത്രിയും ബിആര്‍എസ് നേതാവുമായ കെടിആര്‍ റാവു വാഹനത്തില്‍ നിന്ന് താഴെ വീണു. നിസാമാബാദ് ജില്ലയിലെ ആര്‍മൂറില്‍ വച്ചാണ് സംഭവം നടന്നത്. അപകടത്തിന്റെ വീഡിയോ ദേശീയ മധ്യമമാണ് പങ്കുവച്ചത്.

അപകടത്തെ തുടര്‍ന്ന് റാലി താത്കാലികമായി നിര്‍ത്തിവച്ചതായി ബിആര്‍എസ് സംസ്ഥാന ഘടകം അറിയിച്ചു. റോഡ് ഷോയ്‌ക്കിടെ വാഹനം പെട്ടന്ന് ബ്രേക്കിട്ടതോടെ മന്ത്രിയും നേതാക്കളും പിടിച്ചിരുന്ന റെയില്‍ തകര്‍ന്ന് ഇവര്‍ മുന്നിലേക്ക് വീഴുകയായിരുന്നു. എന്നല്‍ മന്ത്രിയെ പിന്നില്‍ പിടിച്ചതുകൊണ്ട് കാര്യമായ അപകടമുണ്ടായില്ല.

#WATCH | Telangana Minister and BRS leader KTR Rao fell down from a vehicle during an election rally in Armoor, Nizamabad district.

More details awaited. pic.twitter.com/FSNREb5bZZ

— ANI (@ANI) November 9, 2023

അതേസമയം കൂടെ നിന്നിരുന്ന മുതിര്‍ന്ന നേതാവ് റോഡിലേക്ക് തെറിച്ചു വീണു. എല്ലാവരുടെയും ആരോഗ്യനില തൃപ്തികരമാണെന്നും ആരും ആശങ്കപെടേണ്ടതില്ലെന്നും കെടിആര്‍ പറഞ്ഞു. ഈ പരിപാടിക്ക് ശേഷം മന്ത്രി കെടിആര്‍ കൊടങ്ങലില്‍ റോഡ് ഷോയില്‍ പങ്കെടുക്കാന്‍ പുറപ്പെട്ടു.