കണ്‍കൂന്‍(മെക്‌സിക്കോ): കരിയറിലെ ആദ്യ ഡബ്ല്യുടിഎ കിരീടം നേടി ഇഗ സ്വിയാറ്റെക്. ഫൈനലില്‍ ലോക അഞ്ചാം നമ്പര്‍ താരം അമേരിക്കയുടെ ജസീക്ക പെഗ്യൂലയെ നിഷ്പ്രഭയാക്കിയാണ് പോളണ്ട് കാരിയുടെ കന്നിക്കിരീട നേട്ടം. വനിതാ ടെന്നിസ് റാങ്കിങ്ങില്‍ ലോക ഒന്നാം നമ്പര്‍ തിരിച്ചുപിടിക്കാനും ഇഗയ്‌ക്ക് സാധിച്ചു.
ഫൈനലില്‍ ജസീക്ക പെഗ്യൂളയെ സ്‌കോര്‍: 61, 60ന് തകര്‍ത്ത് തരിപ്പണമാക്കി ഇഗ കിരീടം ചൂടിയതോടെ ഇക്കൊല്ലം യുഎസ് ഓപ്പണിലടക്കം നേരിട്ട തിരിച്ചടിക്ക് ചെറിയ ആശ്വാസം കണ്ടെത്താനായി. ഒന്നാം റാങ്കുകാരിയായ അരൈന സബലെങ്കയെ ആണ് ഇഗ പിന്തള്ളിയത്. സെമിയില്‍ സബലെങ്കയെ തോല്‍പ്പിച്ചായിരുന്നു കിരീടനേട്ടത്തിലേക്കുള്ള ഇഗയുടെ മുന്നേറ്റം.
കളി തുടങ്ങി ആദ്യ സെറ്റില്‍ 1-1ന് ഒപ്പം നിന്നതാണ്. പിന്നെ പെഗ്യൂലയ്‌ക്ക് പിടിച്ചുകെട്ടാനാവാത്ത വിധം ഇഗ നിറഞ്ഞാടുകയായിരുന്നു. ഹൈ ക്വാളിറ്റി ബേസ്‌ലൈന്‍ ഗെയിമിലൂടെ മുന്നേറിയ പോളിഷ് താരം വളരെ കുറവ് അണ്‍ഫോഴ്‌സ്ഡ് എറര്‍ മാത്രമേ വരുത്തിയുള്ളു. സമ്മര്‍ദ്ദംകൊണ്ട് പെഗ്യൂലയെ വിരിഞ്ഞുമുറുക്കി അര്‍ഹമായ വിജയം അനായാസം നേടിയെടുത്തു.
പ്രതികരിക്കാൻ ഇവിടെ എഴുതുക: