ന്യൂദല്‍ഹി : ജാര്‍ഖണ്ഡില്‍ ഏഷ്യന്‍ ചാമ്പ്യന്‍സ് ട്രോഫി കിരീടം നേടിയ വനിതാ ഹോക്കി ടീമിനെ കായിക മന്ത്രി അനുരാഗ് സിംഗ് താക്കൂര്‍ അഭിനന്ദിച്ചു. ജപ്പാനെ തോല്‍പ്പിച്ച് ഏഷ്യന്‍ ചാമ്പ്യന്‍സ് ട്രോഫി ജേതാക്കളായ ഭാരതീയ വനിതാ ഹോക്കിയുടെ ചരിത്ര നിമിഷമാണിതെന്ന് താക്കൂര്‍ സാമൂഹ്യ മാധ്യമ പോസ്റ്റില്‍ കുറിച്ചു
രണ്ട് തവണ ചാമ്പ്യന്‍മാരായ ജപ്പാനെതിരെ 4-0 ന് ജയിച്ചത് അഭിമാനകരമാണെന്ന് അനുരാഗ് സിംഗ് താക്കൂര്‍ പറഞ്ഞു.
സംഗീതാ കുമാരി, നേഹ ഗോയല്‍, ലാല്‍റെംസിയാമി, വന്ദന കതാരിയ എന്നിവരാണ് ഇന്ത്യക്ക് വേണ്ടി ഗോള്‍ നേടിയത്.ഇന്ത്യയുടെ രണ്ടാമത്തെ ഏഷ്യന്‍ ചാമ്പ്യന്‍സ് ട്രോഫി കിരീടമാണിത്. ആദ്യത്തേത് 2016ല്‍ ആയിരുന്നു.
പ്രതികരിക്കാൻ ഇവിടെ എഴുതുക: