ജയ്പൂര്: രാജസ്ഥാന് നിയമസഭാ തിരഞ്ഞെടുപ്പിനുള്ള നാമനിര്ദ്ദേശ പത്രിക സമര്പ്പണം അവസാനിച്ചു. ഭരണകക്ഷിയായ കോണ്ഗ്രസ്, ബി.ജെ.പി, മറ്റ് പാര്ട്ടികളില് നിന്നുള്ള നിരവധി നേതാക്കള് ഇന്ന് നാമനിര്ദേശ പത്രിക സമര്പ്പിച്ചു.
നാമനിര്ദ്ദേശ പത്രികകളുടെ സൂക്ഷ്മ പരിശോധന ചൊവ്വാഴ്ച നടക്കും.കോണ്ഗ്രസ് ഏഴാമത്തെയും അവസാനത്തെയും പട്ടിക പുറത്തിറക്കുകയും 21 സ്ഥാനാര്ത്ഥികളുടെ പേരുകള് ഇന്നലെ രാത്രി പ്രഖ്യാപിക്കുകയും ചെയ്തു.
ബിജെപി ബാക്കിയുള്ള 3 സീറ്റുകളിലേക്കും സ്ഥാനാര്ത്ഥികളെ പ്രഖ്യാപിച്ചിരുന്നു. രാഷ്ട്രീയ ലോക്താന്ത്രിക് പാര്ട്ടി 26 പേരുടെ പട്ടികയാണ് പ്രഖ്യാപിച്ചത്. ബഹുജന് സമാജ് പാര്ട്ടിയും ഇന്നലെ രാത്രി വൈകി 26 സ്ഥാനാര്ത്ഥികളുടെ പേരുകള് പ്രഖ്യാപിച്ചിരുന്നു.
