മത്സ്യബോട്ടുകൾ തമ്മിൽ കൂട്ടിയിടിച്ചു; മുനമ്പത്ത് ഒരാൾക്ക് ദാരുണാന്ത്യം

കൊച്ചി: എറണാകുളം മുനമ്പത്ത് മത്സ്യബോട്ടുകൾ തമ്മിൽ കൂട്ടിയിടിച്ച് ഒരാൾക്ക് ദാരുണാന്ത്യം. കൊല്ലം പള്ളിത്തോട്ടം സ്വദേശി ജോസ് ആണ് മരിച്ചത്. ഇടിയുടെ ആഘാതത്തിൽ കടലിലേക്ക് തെറിച്ച് വീണ എട്ട്‌പേരെ രക്ഷപ്പെടുത്തി.

തോപ്പുംപടി ഹാർബറിൽ നിന്നും ശനിയാഴ്ച മത്സ്യബന്ധനത്തിന് പോയ സിൽവർസ്റ്റാർ എന്ന ബോട്ടും നൂറിൻമോൾ എന്ന ബോട്ടും തമ്മിലാണ് കൂട്ടിയിടിച്ചത്. ഇന്ന് രാവിലെയോടെയാണ് ഇവരെ കരയിൽ എത്തിച്ചത്.