തലശ്ശേരി: ഹിന്ദു ഐക്യവേദിയുടെ മഹിളാ വിഭാഗമായ മഹിളാ ഐക്യവേദിയുടെ പത്താം സംസ്ഥാന സമ്മേളനം ഇന്ന് രാവിലെ 9.30 മുതല്‍ തലശ്ശേരി അമൃതാനന്ദമയീ മഠത്തില്‍ നടക്കും, മേജര്‍ ജനറല്‍ ടി. പദ്മിനി ഉദ്ഘാടനം ചെയ്യും.
മഹിളാ ഐക്യവേദി സംസ്ഥാന അധ്യക്ഷ നിഷ സോമന്‍ അധ്യക്ഷയാകും. ആര്‍എസ്എസ് പ്രാന്ത സഹ ബൗദ്ധിക്ക് ശിക്ഷണ്‍ പ്രമുഖ് പി.പി. സുരേഷ്ബാബു മുഖ്യപ്രഭാഷണം നടത്തും. ഹിന്ദു ഐക്യവേദി വര്‍ക്കിങ് പ്രസിഡന്റ് വത്സന്‍ തില്ലങ്കേരി, ജനറല്‍ സെക്രട്ടറിമാരായ കെ.പി.ഹരിദാസ്, കെ. ഷൈനു എന്നിവര്‍ പ്രസംഗിക്കും. രാവിലെ സ്വാഗത സംഘം ചെയര്‍പേഴ്‌സണ്‍ പ്രൊഫ. ഡോ. വത്സലാശിവ പതാക ഉയര്‍ത്തും.
പതിനൊന്നിനു ചേരുന്ന രണ്ടാം സെഷനില്‍ സംസ്ഥാന ഉപാധ്യക്ഷ പി.കെ. വല്‍സമ്മ അധ്യക്ഷയാകും. സംസ്ഥാന സമിതി അംഗം രത്‌ന, സംസ്ഥാന ജനറല്‍ സെക്രട്ടറി ഓമന മുരളി എന്നിവര്‍ സംസാരിക്കും. ഉച്ചക്ക് 2.15ന് മൂന്നാം സെഷനില്‍ സംസ്ഥാന ഉപാധ്യക്ഷ ശശികല ജയരാജ് അധ്യയാകും. ഹിന്ദു ഐക്യവേദി സംസ്ഥാന ജനറല്‍ സെക്രട്ടറി കെ.പി. ഹരിദാസ്, മഹിളാ ഐക്യവേദി സംസ്ഥാന ഉപാധ്യക്ഷ ഡോ. വിജയകുമാരി, സംസ്ഥാന വര്‍ക്കിങ് പ്രസിഡന്റ് അനിത ജനാര്‍ദ്ദനന്‍, സംസ്ഥാന ജനറല്‍ സെക്രട്ടറി, പി. സൗദാമിനി, സംസ്ഥാന സെക്രട്ടറി സതി കോടോത്ത്, കണ്ണൂര്‍ ജില്ലാ സെക്രട്ടറി സുധ സംസാരിക്കും.
വൈകിട്ട് 3.30ന് സമാപന സമ്മേളനത്തില്‍ ഹിന്ദുഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്‍ പുതിയ വര്‍ഷത്തേക്കുള്ള ഭാരവാഹി പ്രഖ്യാപനവും സമാപന സന്ദേശവും നല്കും. സംസ്ഥാന സെക്രട്ടറി എം.പി. രാഗിണി ടീച്ചര്‍ സ്വാഗതവും സ്വാഗതസംഘം ജനറല്‍ കണ്‍വീനര്‍ എം. രജിത നന്ദിയും പറയും.
പ്രതികരിക്കാൻ ഇവിടെ എഴുതുക: