മുംബയ്: ശ്രീലങ്കയ്‌ക്ക് എതിരെ അഞ്ചു വിക്കറ്റുകള്‍ വീഴ്‌ത്തിയതോടെ ഇന്ത്യക്ക് ആയി ഏറ്റവും കൂടുതല്‍ വിക്കറ്റുകള്‍ ലോകകപ്പില്‍ വീഴ്‌ത്തിയ താരമായി മാറി മൊഹമ്മദ് ഷമി.
മൊഹമ്മദ് ഷമി അഞ്ചോവറില്‍ 18 റണ്‍സ് മാത്രം വഴങ്ങിയാണ് അഞ്ച് വിക്കറ്റുകള്‍ വീഴ്ത്തിയത്. ആദ്യ രണ്ടു മത്സരങ്ങളില്‍ നിന്ന് ഷമി ഒമ്പത് വിക്കറ്റുകള്‍ നേടിയിരുന്നു. ലോകകപ്പില്‍ ആകെ മൂന്ന് മത്സരങ്ങളില്‍ നിന്ന് താരം 14 വിക്കറ്റ് വീഴ്ത്തി.
ഇന്ന് അഞ്ചു വിക്കറ്റ് വീഴ്‌ത്തിയതോടെ ഷമിക്ക് ലോകകപ്പില്‍ മൊത്തം 45 വിക്കറ്റുകള്‍ ആയി.14 ഇന്നിംഗ്‌സില്‍ 45 വിക്കറ്റ് നേടിയതോടെയാണ് ഇന്ത്യക്കായി ലോകകപ്പില്‍ ഏറ്റവും കൂടുതല്‍ വിക്കറ്റുകള്‍ എടുക്കുന്ന താരമായി താരം മാറിയത്.
44 വിക്കറ്റ് വീതം നേടിയ സഹീര്‍ ഖാന്റെയും ജവഗല്‍ ശ്രീനാഥിന്റെയും റെക്കാഡാണ് ഷമി തകര്‍ത്തത്.
സഹീര്‍ ഖാന്‍ 23 ഇന്നിംഗ്‌സില്‍ നിന്നും ശ്രീനാഥ് 33 ഇന്നിംഗ്‌സില്‍ നിന്നുമാണ് 44 വിക്കറ്റ് നേടിയത്.
പ്രതികരിക്കാൻ ഇവിടെ എഴുതുക