അഹമ്മദാബാദ്: ലോകകപ്പ് ക്രിക്കറ്റില് ഓസ്ട്രേലിയന് താരം ഗ്ലെന് മാക്സ്വെല് അടുത്ത മത്സരത്തില് കളിക്കില്ല. ശനിയാഴ്ച ഇംഗ്ലണ്ടിനെതിരെയാണ് ഓസ്ട്രേലിയയുടെ അടുത്ത മത്സരം. കഴിഞ്ഞ ദിവസം താരം വീണതിനെ തുടര്ന്ന് വിശ്രമത്തിലാണ്.
താരത്തിന് പരിക്കൊന്നും പറ്റിയിട്ടില്ലെന്നാണ് ടീം അധികൃതര് പറയുന്നത്. എങ്കിലും താല്ക്കാലിക വിശ്രമം അനുവദിച്ച് പിന്നീട് കളിപ്പിക്കാനാണ് തീരുമാനമെന്നറിയുന്നു. ലോകകപ്പില് ഏറ്റവും വേഗതയേറിയ സെഞ്ചുറിക്ക് ഉടമയാണ് മാക്സ്വെല്. കഴിഞ്ഞയാഴ്ച നെതര്ലന്ഡ്സിനെതിരെയായിരുന്നു താരത്തിന്റെ അതിവേഗ സെഞ്ചുറി പ്രകടനം. ഇതുവരെയുള്ള കളികളില് നിന്ന് 196 റണ്സെടുത്ത മാക്സ്വെല് നാല് വിക്കറ്റുകളും നേടിയിട്ടുണ്ട്. കഴിഞ്ഞ വര്ഷം ഉണ്ടായ അപകടത്തെ തുടര്ന്ന് മാക്സ്വെല്ലിന്റെ കാല് ഒടിഞ്ഞിരുന്നു.
ലോകകപ്പ് ഗ്രൂപ്പ് ഘട്ടത്തില് തുടര്ച്ചയായി നാല് കളികള് ജയിച്ച ഓസീസ് പോയിന്റ് പട്ടികയില് നാലാം സ്ഥാനത്താണ്. ഇംഗ്ലണ്ടിനെതിരെ അഹമ്മദാബാദില് നടക്കുന്ന അടുത്ത കളിയില് ജയിക്കാനായാല് സെമി ബെര്ത്തിലേക്ക് കൂറേക്കൂടി അടുക്കും. മാക്സ്വെല്ലിന്റെ അഭാവത്തില് കാമറോണ് ഗ്രീനിനെയോ മാര്കസ് സ്റ്റോയിനിസിനെയോ തിരികെയെത്തിച്ചേക്കും.
