പാരീസ്: ഫ്രഞ്ച് ലീഗ് ഫുട്ബോളില് കിലിയന് എംബപ്പെയുടെ ഇരട്ട ഗോള് കരുത്തില് പിഎസ്ജിക്ക് ജയം. രണ്ടിനെതിരെ മൂന്ന് ഗോളുകള്ക്ക് ബ്രെസ്റ്റിനെ തോല്പ്പിച്ചു. 28, 89 മിനിറ്റുകളിലായിരുന്നു എംബപ്പെയുടെ ഗോളുകള്. 16-ാം മിനിറ്റില് വാറന് എംറെയും വിജയികള്ക്കായി ലക്ഷ്യം കണ്ടു. 43-ാം മിനിറ്റില് സ്റ്റ്വീ മൗനി,52-ാം മിനിറ്റില് ലെ ഡൗറണ് എന്നിവരാണ് ബ്രെസ്റ്റിനായി ഗോള് നേടിയത്.
വിജയത്തോടെ 10 കളികളില് നിന്ന് 21 പോയിന്റുമായി പിഎസ്ജി രണ്ടാം സ്ഥാനത്തേക്കുയര്ന്നു. 22 പോയിന്റുമായി നീസാണ് ഒന്നാമത്.
മറ്റൊരു മത്സരത്തില് ലില്ലെ മറുപടിയില്ലാത്ത രണ്ട് ഗോളുകള്ക്ക് മൊണാക്കോയെ പരാജയപ്പെടുത്തി.
