മിലാന്: ഇറ്റാലിയന്‍ സീരി എ ഫുട്‌ബോളില്‍ ഇന്റര്മിലാന് ജയം. ഏകപക്ഷീയമായ ഒരു ഗോളിന് റോമയെയാണ് അവര്‍ പരാജയപ്പെടുത്തിയത്. ഗോള്‍രഹിതമായ ആദ്യപകുതിക്കുശേഷം 81-ാം മിനിറ്റില്‍ മാര്‍കസ് തുറാം ആണ് വിജയഗോള്‍ നേടിയത്. വിജയത്തോടെ അവര്‍ പോയിന്റ് പട്ടികയില്‍ ഒന്നാം സ്ഥാനത്തേക്കുയര്‍ന്നു. പത്ത് കളിയില്‍ നിന്ന് 25 പോയിന്റാണ് അവര്‍ക്കുള്ളത്. 23 പോയിന്റുമായി യുവന്റസാണ് രണ്ടാമത്.
മറ്റൊരു മത്സരത്തില്‍ എസി മിലാനും നിലവിലെ ചാമ്പ്യന്മാരായ നാപ്പോളിയും സമനിലയില്‍ പിരിഞ്ഞു. ഇരു ടീമുകളും രണ്ട് ഗോള്‍ വീതം നേടി. മിലാന് വേണ്ടി ഒളിവര്‍ ഗിറൗഡ് രണ്ട് ഗോള്‍ നേടി. 22, 31 മിനിറ്റുകളിലായിരുന്നു ഗിറൗഡിന്റെ ഗോളുകള്‍. 50-ാം മിനിറ്റില്‍ പൊലിറ്റാനോയും 63-ാം മിനിറ്റില്‍ റസ്പഡോറിയുമാണ് നാപ്പോളിക്കായി ഗോള്‍ കണ്ടെത്തിയത്. 22 പോയിന്റുമായി എസി മിലാന് മൂന്നാമതും 18 പോയിന്റുമായി നാപ്പോളി നാലാമതുമാണ്.
പ്രതികരിക്കാൻ ഇവിടെ എഴുതുക: