ന്യൂദല്‍ഹി: യുവാക്കള്‍ക്ക് വേണ്ടിയുള്ള പുതിയ സ്വയംഭരണ സ്ഥാപനമായ മൈ ഭാരത് സംഘടനയുടെ ഉദ്ഘാടനം 31ന് നിര്‍വഹിക്കുമെന്ന് പ്രധാനമന്ത്രി നരേന്ദ്ര മോദി.
സര്‍ദ്ദാര്‍ വല്ലഭ്ഭായ് പട്ടേലിന്റെ ജന്മദിനത്തിലാണ് ഉദ്ഘാടനം. ദേശീയതലത്തിലെ തന്നെ വലിയ സംഘടനയായ മൈ ഭാരത് (മേരാ യുവ ഭാരത്) ആരംഭിക്കുകയാണെന്ന് മന്‍ കീ ബാത്ത് പ്രഭാഷണത്തിലാണ് പ്രധാനമന്ത്രി അറിയിച്ചത്.
മൈ ഭാരത് വെബ്‌സൈറ്റ് ഉദ്ഘാടനം പ്രധാനമന്ത്രി നിര്‍വഹിക്കും. യുവാക്കള്‍ക്കായി ആരംഭിക്കുന്ന പുതിയ സംവിധാനം യുവജനതയുടെ വികസനം കേന്ദ്രീകരിച്ചാണ് പ്രവര്‍ത്തിക്കുക. രാജ്യത്തെ എല്ലാ യുവജനങ്ങളും വെബ്‌സൈറ്റില്‍ പേരുകള്‍ രജിസ്റ്റര്‍ ചെയ്യണമെന്നും പ്രധാനമന്ത്രി അറിയിച്ചു.
രാഷ്‌ട്രപുനര്‍നിര്‍മ്മാണ പ്രക്രിയയില്‍ യുവജനതയ്‌ക്ക് അവസരം നല്കുന്നതായും മൈ ഭാരത് എന്നും പ്രധാനമന്ത്രി പറഞ്ഞു. മുന്‍ പ്രധാനമന്ത്രി ഇന്ദിരാഗാന്ധിയുടെ രക്തസാക്ഷിത്വ ദിനത്തില്‍ ആദരാഞ്ജലി അര്‍പ്പിക്കുന്നതായി പ്രധാനമന്ത്രി പറഞ്ഞു. ചൊവ്വാഴ്ചയാണ് രക്തസാക്ഷിത്വ ദിനം.
പ്രതികരിക്കാൻ ഇവിടെ എഴുതുക