കൊച്ചി: കേരള ബ്ലാസ്റ്റേഴ്സിന് സീസണിലെ മൂന്നാം ജയം. ഇന്നലെ നടന്ന മത്സരത്തില് ഒഡീഷ എഫ്സിയെ കീഴടക്കി. ഒന്നിനെതിരെ രണ്ട് ഗോളുകള്ക്കായിരുന്നു ബ്ലാസ്റ്റേഴ്സിന്റെ വിജയം. ജയത്തെ തുടര്ന്ന് പത്ത് പോയിന്റുമായി ബ്ലാസ്റ്റേഴ്സ് പട്ടികയില് മൂന്നാം സ്ഥാനത്തേക്കുയര്ന്നു.
കളിയില് ഒരു ഗോള് പിന്നില് നിന്ന ശേഷം രണ്ട് ഗോളുകള് തിരിച്ചടിച്ചാണ് ബ്ലാസ്റ്റേഴ്സ് വിജയിച്ചത്. കളിയുടെ 15-ാം മിനിറ്റില് ഡീഗോ മൗറീഷ്യോ നേടിയ ഗോളില് മുന്നിലെത്തിയ ഒഡീഷ ആദ്യ പകുതിയില് ലീഡ് ചെയ്തു. രണ്ടാം പകുതിയില് ബ്ലാസ്റ്റേഴ്സ് ഗോളടിയന്ത്രം ദിമിത്രിയോസ് ഡയമന്റക്കോസ് ബ്ലാസ്റ്റേഴ്സിനായി ആദ്യ ഗോള് മടക്കി. കളിക്ക് 66 മിനിറ്റായപ്പോഴായിരുന്നു ഈ സമനലിഗോള്. 84-ാം മിനിറ്റില് ബ്ലാസ്റ്റേഴ്സ് നായകന് അഡ്രിയാന് ലൂണയിലൂടെ ടീം വിജയഗോള് സ്വന്തമാക്കി.
