ടിറാന(അല്‍ബേനിയ): അണ്ടര്‍23 ഗുസ്തിയില്‍ ഭാരതത്തിനായി ചരിത്രനേട്ടം സ്വന്തമാക്കി റീതിക. അണ്ടര്‍ 23 ലോക ചാമ്പ്യന്‍ഷിപ്പില്‍ ജേത്രിയായിരിക്കുകയാണ് താരം. ചിരത്രത്തില്‍ ആദ്യമായാണ് അണ്ടര്‍23 ലോക ചാമ്പ്യന്‍ഷിപ്പില്‍ ഒരു ഭാരതതാരം നേട്ടം കൈവരിക്കുന്നത്.
ചാമ്പ്യന്‍പോരാട്ടത്തില്‍ അമേരിക്കയുടെ കെന്നെഡി ബ്ലെയ്ഡ്‌സിനെ കീഴ്‌പ്പെടുത്തിയാണ് റീതിക ചാമ്പ്യന്‍ഷിപ്പ് സ്വന്തമാക്കിയത്. 72 മുതല്‍ 76കിലോ വരെയുള്ള വിഭാഗത്തിലാണ് താരം മത്സരിച്ചത്. ഇന്നലെ നടന്ന ആദ്യ പോരാട്ടത്തില്‍ ജൂനിയര്‍ ലോക ചാമ്പ്യനെ റീതിക കീഴടക്കിയിരുന്നു.
ക്വാര്‍ട്ടറില്‍ റിത ടാലിസ്മാനോവയെ തോല്‍പ്പിച്ച ഭാരത താരം സെമിയില്‍ യുക്രൈന്‍ താരം അനാസ്താസിയ ആല്‍പ്യേയേവയെ കീഴടക്കി. ഫൈനലില്‍ കെന്നെഡി ബ്ലെയ്ഡ്‌സിനെതിരെ ബ്രക്കിന് പിരിയുമ്പോള്‍ 3-2ന് റീതിക മുന്നിട്ടു നിന്നു. ഒടുവില്‍ 5-2ന്റെ വിജയത്തോടെ ചാമ്പ്യന്‍ പട്ടം സ്വന്തമാക്കി.
പ്രതികരിക്കാൻ ഇവിടെ എഴുതുക: