മുംബയ് : സയ്യിദ് മുഷ്താഖലി ട്രോഫിയില് ഗ്രൂപ്പ് ഘട്ടത്തിലെ അവസാന മത്സരത്തില് കേരളത്തിന് പരാജയം. അസം 4 വിക്കറ്റിനാണ് കേരളത്തെ പരാജയപ്പെടുത്തിയത്. 128 എന്ന വിജയലക്ഷ്യം പിന്തുടര്ന്ന അസം മൂന്ന് പന്ത് ശേഷിക്കെ വിജയം കണ്ടു.
റയാന് പരാഗ 33 പന്തില് 57 റണ്സ് നേടി പുറത്താകാതെ നിന്നതാണ് അസമിനെ തുണച്ചത്. കേരളത്തിനായി സിജോമോനും ജലജ് സക്സേനയും രണ്ട് വിക്കറ്റ് വീതം വീഴ്ത്തി.
ആദ്യം ബാറ്റ് ചെയ്ത കേരളം 20 ഓവറില് ആറ് വിക്കറ്റ് നഷ്ടത്തില് 127 റണ്സ് നേടി. വരുണ് നായര് (2), സല്മാന് നിസാര് (8), വിഷ്ണു വിനോദ് (5), സഞ്ജു സാംസണ് (8), സിജോമോന് ജോസഫ് (0) എന്നിവര് നിരാശപ്പെടുത്തി. ഓപ്പണര് രോഹന് എസ് കുന്നുമ്മല് 31 റണ്സ് എടുത്തു.
അബ്ദുല് ബാസിതും സച്ചിന് ബേബിയും ചേര്ന്നാണ് കേരളത്തിന് പൊരുതാവുന്ന സ്കോര് നല്കിയത്. ബാസിത് 31 പന്തില് 46 നേടിയപ്പോള് സച്ചിന് ബേബി 17 പന്തില് പുറത്താകാതെ 18 റണ്സെടുത്തു.
ഇതിനു മുമ്പ് നടന്ന ആറ് മത്സരങ്ങളും വിജയിച്ച് കേരളം ക്വാര്ട്ടര് ഉറപ്പിച്ചിട്ടുണ്ട്. ഇന്നത്തെ വിജയത്തോടെ ആസാമും അടുത്ത റൗണ്ടിലേക്ക് കടന്നു.
