കലാസംവിധായകൻ സാബു പ്രവദ അന്തരിച്ചു

തിരുവനന്തപുരം: പ്രശസ്ത കലാ സംവിധായകനും ചലച്ചിത്ര ഗവേഷകനുമായ സാബു പ്രവദ അന്തരിച്ചു. ഈ മാസം 18-ന് തിരുവനന്തപുരത്ത് വെച്ച് ഇദ്ദേഹം അപകടത്തിൽപ്പെട്ടിരുന്നു. ഇതേ തുടർന്ന് ചികിത്സയിലിരിക്കെയായിരുന്നു അന്ത്യം. ചലച്ചിത്ര സംബന്ധമായ ഏറ്റവും മികച്ച ലേഖനത്തിനുള്ള കഴിഞ്ഞ വർഷത്തെ സംസ്ഥാന പുരസ്‌കാരം സാബുവിന് ലഭിച്ചിരുന്നു.

എറണാകുളം കച്ചേരിപ്പടിയിലെ പ്രശസ്തമായ പ്രവദ സ്റ്റുഡിയോ ഇദ്ദേഹത്തിന്റേതാണ്. ഐഎഫ്എഫ്‌കെ ഉൾപ്പെടെ കേരള സംസ്ഥാന ചലച്ചിത്ര അക്കാദമിയുടെ ഫിലിം ഫെസ്റ്റിവലുകളിൽ ഡിസൈനറായി സേവനം അനുഷ്ടിച്ചിരുന്നു.

രാജാവിന്റെ മകൻ, മനു അങ്കിൾ, കാട്ടുകുതിര, വഴിയോരക്കാഴ്ചകൾ, പത്രം, ലേലം, റൺ ബേബി റൺ, അമൃതം, പാർവതീ പാരായണം. ഒറ്റയടിപ്പാതകൾ എന്നീ ചിത്രങ്ങളുടെ കലാ സംവിധായകനായിരുന്നു.