മോസ്കോ: റഷ്യന് പ്രസിഡന്റ് വ്ളാദിമിര് പുടിന് മരിച്ചെന്ന വാര്ത്ത നിഷേധിച്ച് റഷ്യ. കുറച്ചു ദിവസങ്ങള്ക്കുമുന്നേ ഹൃദയാഘാതത്തെ തുടര്ന്ന് അദേഹത്തെ ഹോസ്പ്പിറ്റലില് പ്രവേശിപ്പിച്ചുവെന്ന് റിപ്പോര്ട്ട് ചെയ്ത അതേ ടെലിഗ്രാം ചാനലാണ് പുതിയ റിപ്പോര്ട്ട് പുറത്തുവിട്ടത്.
എന്നാല് ഈ റിപ്പോര്ട്ട് അസംബന്ധമാണെന്നും വിവരങ്ങള് വ്യാജമാണെന്നും പുടിന്റെ വക്താവ് ദിമിത്രി പെസ്കോവ് സ്റ്റേറ്റ് മീഡിയ ആര്ഐഎ നോവോസ്റ്റിയോട് പറഞ്ഞു. ഈ ആഴ്ച ആദ്യം പുടിന് ഹൃദയാഘാതം ഉണ്ടായതായി റിപ്പോര്ട്ട് ചെയ്ത അതേ ടെലിഗ്രാം ചാനല് തന്നെയാണ് 71 കാരനായ നേതാവ് അന്തരിച്ചതായി പറഞ്ഞത്.
റഷ്യയില് ഭരണത്തില് അട്ടിമറിനടത്തുന്നതിന്റെ ഭാഗമാണ് മരണവാര്ത്ത പുറത്തുവരാതെ സൂക്ഷിക്കാന് കാരണമെന്നും അവര് പറഞ്ഞു. ഒരു ബോഡി ഡബിളിനെ ഉപയോഗിച്ച് പുടിന് എന്നതരത്തില് ഭരണം പിടിക്കാനാണ് ചിലര് ശ്രമിക്കുന്നതെന്നും ചാനല് റിപ്പോര്ട്ടില് പറഞ്ഞു.
