കൊച്ചി: ബെംഗളൂരുവില്‍ നടന്ന മെക്കോ എഫ്എംഎസ്സിഐ നാഷണല്‍ റോട്ടാക്സ് കാര്‍ട്ടിംഗ് ചാമ്പ്യന്‍ഷിപ്പില്‍ സീനിയര്‍ വിഭാഗം മത്സരങ്ങളില്‍ ആദ്യ മൂന്ന് സ്ഥാനങ്ങളും വിജയിച്ച് റയോ റേസിംഗ്. നാലാം റൗണ്ട് മത്സരത്തില്‍ ആദിത്യ പട്നായിക് ഒന്നാമനായപ്പോള്‍ സഹതാരങ്ങളായ റെയ്ഡന്‍ സമര്‍വെല്‍, കൃഷ് ഗുപ്ത എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ നേടി. ആദിത്യ പട്നായിക് സീനിയര്‍ ഫൈനലില്‍ ആകെയുള്ള 16 ലാപ്പുകള്‍ 16:12.122 സമയത്തിലാണ് ഫിനിഷ് ചെയ്തത്. റയോ റേസിംഗ് താരങ്ങളായ മൂന്നുപേരും മുംബൈ സ്വദേശികളാണ്.
മൈക്രോ വിഭാഗത്തില്‍ രണ്ടാം സ്ഥാനത്തെത്തിയ ഹംസ ബാലസിനോര്‍വാല മുംബൈ റയോ റേസിംഗ് താരമാണ്. ഈ വിഭാഗത്തില്‍ എം സ്‌പോര്‍ട്ടിന്റെ ദര്‍ശ് നവര്‍ഗരിയ ഒന്നാം സ്ഥാനത്തെത്തി. ചെന്നൈ എം സ്‌പോര്‍ട്ടിന്റെ റിവാന്‍ ദേവ് പ്രീതം ആണ് മൂന്നാമത്. ജൂനിയര്‍ വിഭാഗത്തില്‍ ബംഗളൂരുവിന്റെ ഇഷാന്‍ മധേഷ് (പെരെഗ്രിന്‍ റേസിംഗ്), നിഖ്ലേഷ് രാജു, പൂനെയുടെ അറഫാത്ത് ഷെയ്ഖ് എന്നിവര്‍ യഥാക്രമം ആദ്യ 3 സ്ഥാനങ്ങളില്‍ പോഡിയം ഫിനിഷ് ചെയ്തു.
പ്രതികരിക്കാൻ ഇവിടെ എഴുതുക: