തിരുവനന്തപുരം: മുഖ്യമന്ത്രിയുടെ മകള്‍ വീണ വിജയന്‍ നികുതി അടച്ചോ എന്ന ചോദ്യമുന്നയിച്ച് മാത്യു കുഴല്‍നാടന്‍ നല്‍കിയ കത്തിന് കൃത്യമായ മറുപടി നല്‍കിയിട്ടുണ്ടെന്ന് ധനമന്ത്രി കെ എന്‍ ബാലഗോപാല്‍.ഈ വിഷയത്തില്‍ മാത്യു കുഴല്‍നാടന്‍ തെറ്റിദ്ധാരണ പരത്തുകയാണ്.
നികുതി അടയ്‌ക്കാത്ത ആളുകളുടെ വിവരങ്ങള്‍ പുറത്തുവിടാറില്ല. മാത്യു കുഴല്‍നാടന്‍ എപ്പിസോഡ് അവസാനിപ്പിച്ച് പുതിയ കാര്യങ്ങളുമായി വരണമെന്ന് ധനമന്ത്രി പ്രതികരിച്ചു.
വീണ വിജയന്റെ മാസപ്പടി വിവാദത്തില്‍ ധനകാര്യ വകുപ്പ് ഇറക്കിയത് കത്ത് അല്ലെന്നും ക്യാപ്സ്യൂള്‍ ആണെന്നുമാണ് മാത്യു കുഴല്‍നാടന്‍ നേരത്തേ വിമര്‍ശിച്ചത്.വീണ കരിമണല്‍ കമ്പനിയായ സിഎംആര്‍എല്ലില്‍ നിന്ന് 2017 മുതല്‍ മുതല്‍ പണം കൈപ്പറ്റുന്നുണ്ട്. എന്നാല്‍ ജിഎസ്ടി രജിസ്‌ട്രേഷന്‍ എടുത്തത് 2018ലാണ്. പിന്നെങ്ങനെ നികുതി അടയ്‌ക്കാന്‍ കഴിയുമെന്ന മാത്യു കുഴല്‍നാടന്റെ ചോദ്യത്തിനാണ് ധനമന്ത്രിയുടെ മറുപടി.
മാസപ്പടി വിവാദത്തില്‍ നിന്ന് ഒഴിഞ്ഞ് പോകില്ലെന്നും മുന്നോട്ട് കൊണ്ടു പോകുമെന്നുമാണ് മാത്യു കുഴല്‍നാടന്‍ വ്യക്തമാക്കിയിട്ടുളളത്.
പ്രതികരിക്കാൻ ഇവിടെ എഴുതുക: