ഗൊരഖ്പൂര്‍: മഹാ നവമി’യില്‍, ‘സനാതന ധര്‍മ്മം എല്ലായ്‌പ്പോഴും ദുഷ്ടശക്തികളെ വെല്ലുവിളിയായി സ്വീകരിച്ച് രാജ്യത്തിന്റെയും ജനങ്ങളുടെയും ക്ഷേമത്തിനായി ആണ് പ്രവര്‍ത്തിച്ചതെന്ന് യുപി മുഖ്യമന്ത്രി യോഗി ആദിത്യനാഥ് പറഞ്ഞു.
നവരാത്രി ആഘോഷങ്ങളുടെ ഭാഗമായി മഹാ നവമിദിനത്തില്‍ ഗൊരഖ്പൂര്‍ ക്ഷേത്രത്തില്‍ നടന്ന പരിപാടിയില്‍ പങ്കെടുത്ത് സംസാരിക്കുകയായിരുന്നു അദേഹം. നാളെ വിജയദശമി ഉത്സവമാണ്. ഇത് ധര്‍മ്മത്തിന്റെയും സത്യത്തിന്റെയും നീതിയുടെയും വിജയത്തിന്റെ ഉത്സവമാണ്.
എല്ലാ കാലഘട്ടങ്ങളിലും വിവിധ സാഹചര്യങ്ങളില്‍ ദുഷ്ടശക്തികള്‍ കൂടുതല്‍ സ്വാധീനം ചെലുത്തുന്നതായി തോന്നുമ്പോഴെല്ലാം, സനാതന ധര്‍മ്മം എല്ലായ്‌പ്പോഴും ആ ദുഷ്ടശക്തികളെ ഉന്മൂലനം ചെയ്തിട്ടുണ്ട്. രാജ്യത്തിന്റെയും ജനങ്ങളുടെയും ക്ഷേമത്തിനായി ഒരോ വെല്ലുവിളിയേയും അത് നേരിട്ടുണ്ട്. അത് തന്നെയാണ് മാനവികതയിലേക്കുള്ള വഴിയുമെന്ന് അദേഹം പറഞ്ഞു.
പ്രതികരിക്കാൻ ഇവിടെ എഴുതുക: