ചാത്തന്നൂര്‍: ഭരണഘടനയും ഭരണഘടനാ ശില്‍പികളെയും സാക്ഷികളാക്കി തിങ്ങിനിറഞ്ഞ സദസിന്റെ സാന്നിധ്യത്തില്‍ അബിയും ദേവികയും ഒന്നായി. ജില്ലയിലെ ആദ്യത്തെ സമ്പൂര്‍ണ സാക്ഷരതാ പ്രോജക്റ്റായ സിറ്റിസണ്‍ 2022 ന്റെ സെനറ്റര്‍മാരായിരുന്നു ചാത്തന്നൂര്‍ ഇടനാട് കൃഷ്ണഗിരിയില്‍ ആര്‍. രാധാകൃഷ്ണന്റെയും ശോഭനകുമാരിയുടെയും മകന്‍ ആര്‍. അബിയും കാരംകോട് ദേവികയില്‍ കെ. ദേവരാജന്റെയും പി. ശ്രീദേവിയുടെയും മകള്‍ ദേവിക ദേവരാജനും.
ഇവരുടെ വിവാഹമാണ് ഇന്നലെ ചാത്തന്നൂര്‍ ശ്രീഭൂതനാഥസ്വാമി ക്ഷേത്ര ഓഡിറ്റോറിയത്തില്‍ നടന്നത്. ക്ഷേത്ര കവാടത്തിലും സ്റ്റേജിലും ഭരണഘടനയുടെ ആമുഖവും അംബേദ്കറിന്റെയും നെഹ്‌റുവിന്റെയും ചിത്രങ്ങളും പതിച്ചിരുന്നു.
ഭരണഘടനയുടെ ആമുഖം നല്‍കിയാണ് ചടങ്ങിനെത്തിയവരെ വരവേറ്റത്. താലികെട്ടിന് ശേഷം വധൂവരന്മാര്‍ ഭരണഘടനയുടെ ആമുഖം ഏറ്റുവാങ്ങി. സെനറ്റര്‍മാരായി പ്രവര്‍ത്തിക്കുമ്പോള്‍ മൊട്ടിട്ട പ്രണയമാണ് ഒന്നരവര്‍ഷത്തിന് ഇരുവരെയും ഒന്നാക്കിയത്.
പ്രതികരിക്കാൻ ഇവിടെ എഴുതുക: