തിരുവനന്തപുരം: ആറ്റിങ്ങലിലെ രണ്ട് ബാറുകളില് ഒരേ ദിവസം ആക്രമണം നടത്തിയ കുപ്രസിദ്ധ ഗുണ്ട പിടിയില്. ആറ്റിങ്ങല് വെള്ളൂര്കോണം തൊടിയില് പുത്തന്വീട്ടില് വിഷ്ണു (26) ആണ് പൊലീസ് പിടിയിലായത്.
ആറ്റിങ്ങല്, കടയ്ക്കാവൂര് സ്റ്റേഷനുകളില് നിരവധി കേസുകളിലെ പ്രതിയാണ് വിഷ്ണു.കഴിഞ്ഞ ദിവസം ആറ്റിങ്ങല് സൂര്യ ബാര്, മൂന്നുമുക്ക് ദേവ് റസിഡന്സി എന്നിവിടങ്ങളിലാണ് ഇയാള് ആക്രമണം നടത്തിയത്.
വാളുമായി എത്തി ഭീകരാന്തരീക്ഷം സൃഷ്ടിച്ച് വിഷ്ണു ഫര്ണിച്ചറും മറ്റും നശിപ്പിച്ചു. ഉപഭോക്താക്കളെയും ഭീഷണിപ്പെടുത്തുകയും ബാര് ജീവനക്കാരെ മര്ദിച്ച് പണം കവരുകയും ചെയ്തു.
സംഭവത്തിനുശേഷം ഒളിവില് പോയ വിഷ്ണുവിനെ മാമത്ത് നിന്നാണ് അറസ്റ്റ് ചെയ്തത്.ഇയാള്ക്കെതിരെ ആറ് കേസുകള് നിലവിലുണ്ട്. അറസ്റ്റ് ചെയ്ത പ്രതിയെ കോടതിയില് റിമാന്ഡ് ചെയ്തു.
