കുറഞ്ഞ വിലയ്ക്ക് മികച്ച സ്മാര്ട്ട്ഫോണുമായി എത്തിയിരിക്കുകയാണ് പ്രമുഖ ബ്രാന്ഡായ ഐടെല്. ഐടെല് എ05എസ് (itel A05s) എന്ന ഫോണാണ് ഐടെല് പുറത്തിറക്കിയിരിക്കുന്നത്. നിലവില് ഒരു വേരിയന്റില് മാത്രമാണ് അവതരിപ്പിച്ചിരിക്കുന്നത്. 6,499 രൂപയാണ് ഫോണിന്റെ വില.
6.6 ഇഞ്ച് എച്ച്ഡി+ ഐപിഎസ് എല്സിഡി ഡിസ്പ്ലെ പാനലാണുള്ളത്. ഈ ഡിസ്പ്ലെയ്ക്ക് 60ഒ്വ റിഫ്രഷ് റേറ്റുണ്ട്. സ്ക്രീനിന് 270 പിപിഐ പിക്സല് ഡെന്സിറ്റിയുമുണ്ട്. 2 ജിബി റാമും 32 ജിബി സ്റ്റോറേജുമാണുള്ളത്. ആൻഡ്രോയിഡ് 13 ഗോ എഡിഷനിലാണ് പ്രവർത്തിക്കുന്നത്.
1.6GHz മാക്സിമം ക്ലോക്ക് സ്പീഡുള്ള ഒക്ടാ-കോർ യൂണിസോക് SC9863A ചിപ്സെറ്റിന്റെ കരുത്തിലാണ് ഐടെൽ എ05എസ് സ്മാർട്ട്ഫോൺ പ്രവർത്തിക്കുന്നത്. ഫോണിലുള്ള സ്റ്റോറേജ് തികയാതെ വരുന്ന ആളുകൾക്ക് സ്റ്റോറേജ് 1 ടിബി വരെ എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടും സ്മാർട്ട്ഫോണിൽ ക നൽകിയിട്ടുണ്ട്.
ഐടെലിന്റെ എന്ട്രി ലെവല് സ്മാര്ട്ട്ഫോണ് നെബുല ബ്ലാക്ക്, മെഡോ ഗ്രീന്, ക്രിസ്റ്റല് ബ്ലൂ, ഗ്ലോറിയസ് ഓറഞ്ച് എന്നീ കളര് ഓപ്ഷനുകളിലാണ് ലഭ്യമാകുന്നത്.
