സംസ്ഥാനത്ത് ഇന്നും മഴ ശക്തമാകാൻ സാദ്ധ്യത; മലയോര മേഖലകളിൽ ജാഗ്രതാ നിർദ്ദേശം

തിരുവനന്തപുരം: സംസ്ഥാനത്ത് ഇന്ന് ഒറ്റപ്പെട്ടയിടങ്ങളിൽ ശക്തമായ മഴയ്‌ക്ക് സാദ്ധ്യതയെന്ന് മുന്നറിയിപ്പ്. മലയോര മേഖലകളിൽ മഴ കനക്കും. കേരള-കർണാടക തീരത്തും ലക്ഷദ്വീപ് തീരങ്ങളിലും മത്സ്യ ബന്ധനത്തിന് വിലക്കേർപ്പെടുത്തിയിട്ടുണ്ട്.

തെക്ക് പടിഞ്ഞാറൻ, മദ്ധ്യ പടിഞ്ഞാറൻ അറബിക്കടൽ എന്നിവിടങ്ങളിൽ മണിക്കൂറിൽ 45 മുതൽ 55 കിലോമീറ്റർ വരെയും ചില അവസരങ്ങളിൽ മണിക്കൂറിൽ 65 കിലോമീറ്റർ വരെയും വേഗത്തിൽ വീശിയേക്കാവുന്ന കാറ്റിനും സാദ്ധ്യതയുണ്ട്.

അടുത്ത 72 മണിക്കൂറിനുള്ളിൽ ഇരട്ട ന്യൂനമർദ്ദത്താൽ തെക്കേ ഇന്ത്യക്ക് മുകളിൽ തുലാവർഷം എത്തിച്ചേരാനാണ് സാദ്ധ്യത. തുടക്കം ദുർബലമായേക്കുമെന്നും കേന്ദ്ര കാലാവസ്ഥാ വകുപ്പ് അറിയിച്ചു.