തിരുവനന്തപുരം: ഭാര്യയുടെ ബന്ധുവിനെ വാട്ട്സ്ആപ്പിൽ വീഡിയോ കോൾ ചെയ്ത് യുവാവ് ആത്മഹത്യ ചെയ്തു. തിരുവനന്തപുരം നെടുമങ്ങാടാണ് സംഭവം. നെടുമങ്ങാട് പെരുമല സ്വദേശി റിയാസ് ആണ് ജീവനൊടുക്കിയത്. ഇന്നലെ വൈകിട്ട് റീയാസ് സുഹൃത്തായി നസീറിന്റെ വാടക വീട്ടിൽ എത്തി.
ഇരുവരും ചേർന്ന് മദ്യപിച്ചതിന് ശേഷമായിരുന്നു സംഭവം. സുഹൃത്ത് ഉറങ്ങിയ സമയം റിയാസ് ഭാര്യയുടെ ബന്ധുവിനെ വീഡിയോ കോൾ ചെയ്തു. പിന്നാലെ വീടിനുള്ളിലെ ഫാനിൽ തൂങ്ങുകയായിരുന്നു. നസീർ ഉറക്കം എഴുന്നേറ്റപ്പോഴാണ് സംഭവം പുറത്തറിയുന്നത്.
രണ്ട് മാസമായി റിയാസ് ഭാര്യയുമായി പിണങ്ങി കഴിയുകയായിരുന്നു. ആത്മഹത്യാ ഭീഷണി മുഴക്കുന്നതിനിടെ മരണം അബദ്ധത്തിൽ സംഭവിച്ചതാണെന്നാണ് റിയാസിന്റെ ഭാര്യയുടെ ബന്ധുക്കളുടെ വിശദീകരണം. സംഭവത്തിൽ നെടുമങ്ങാട് പോലീസ് കേസെടുത്ത് അന്വേഷണം ആരംഭിച്ചു.
