ചെന്നൈ: തമിഴ്നാട്ടിലെ 35 കേന്ദ്രങ്ങളില്‍ ആര്‍.എസ്.എസിന് റൂട്ട് മാര്‍ച്ച് നടത്താന്‍ മദ്രാസ് ഹൈകോടതി അനുമതി നല്‍കി. ഇതുമായി ബന്ധപ്പെട്ട് പോലീസിന് കോടതി നിര്‍ദേശം നല്‍കി. ജസ്റ്റിസ് ജി. ജയചന്ദ്രനാണ് ഉത്തരവിട്ടത്. റൂട്ട് മാര്‍ച്ചിന് അനുമതി നല്‍കുന്നതിനെ സംസ്ഥാന സര്‍ക്കാര്‍ എതിര്‍ത്തിരുന്നു.
ഒക്ടോബര്‍ 22, 29 തിയതികളിലായി റൂട്ട് മാര്‍ച്ച് നടക്കുമെന്നാണ് വിവരം. പോലീസ് ഉന്നയിച്ച എല്ലാ എതിര്‍പ്പുകളെയും അവഗണിച്ചാണ് കോടതി അനുമതി നല്‍കിയത്. മാര്‍ച്ചിന് അഞ്ച് ദിവസം മുമ്പെങ്കിലും പൊലീസ് അനുമതി നല്‍കണമെന്ന് കോടതി നിര്‍ദേശിച്ചു. മാര്‍ച്ച് കടന്നുപോകുന്നതിന് മുന്‍കൂര്‍ നിശ്ചയിച്ച വഴികളില്‍ യാതൊരു മാറ്റവും പാടില്ല. ആവശ്യമായ നിയന്ത്രണങ്ങള്‍ ഏര്‍പ്പെടുത്താമെന്നും കോടതി വ്യക്തമാക്കി.
ഹര്‍ജിക്കാര്‍ക്ക് വേണ്ടി ഹാജരായ മുതിര്‍ന്ന അഭിഭാഷകന്‍ ജി.കാര്‍ത്തികേയന്റെയും അഭിഭാഷകന്‍ രാബു മനോഹറിന്റെയും വാദം കേട്ട ശേഷമാണ് ഉത്തരവ്.
പ്രതികരിക്കാൻ ഇവിടെ എഴുതുക: