കൊല്‍ക്കത്ത: ബംഗാള്‍ കോണ്‍ഗ്രസ് അധ്യക്ഷനും ലോക്സഭ പ്രതിപക്ഷ നേതാവുമായ അധീര്‍ രഞ്ജന്‍ ചൗധരി ബൈക്ക് റൈഡിങ് വിവാദത്തില്‍.
പശ്ചിമ ബംഗാളിലെ മുര്‍ഷിദാബാദിലെ ബെര്‍ഹാംപൂരില്‍ അധീര്‍ രഞ്ജന്‍ ചൗധരി ഹെല്‍മെറ്റ് വയ്ക്കാതെയും കൈവിട്ടും ബൈക്ക് റെഡിങ് നടത്തുന്ന വീഡിയോ പുറത്തുവന്നതാണ് വിമര്‍ശനങ്ങള്‍ക്കും വിവാദങ്ങള്‍ക്കും കാരണമായത്.
ഒരു മിനിറ്റില്‍ അധികം ദൈര്‍ഘ്യമുള്ള വീഡിയോ ആണ് സമൂഹ മാധ്യമങ്ങളില്‍ പ്രചരിക്കുന്നത്. ബൈക്കിന് പിന്നില്‍ മറ്റൊരാളെ ഇരുത്തി ഇരുകൈയും വിട്ടായിരുന്നു യാത്ര. ഒപ്പം നിരവധി ബൈക്കുകളും അകമ്പടിയായി ഉണ്ടായിരുന്നു.
വീഡിയോ പ്രചരിച്ചതോടെ, ജനപ്രതിനിധിയുടൈ ട്രാഫിക് ലംഘനം ചൂണ്ടിക്കാട്ടി നിരവധിപേര്‍ വിമര്‍ശനവുമായെത്തി. നിയമം പാലിക്കാന്‍ ചിലര്‍ ഉപദേശിച്ചതോടെ, ഈ സ്ഥലവുമായി എനിക്ക് നിരവധി ഓര്‍മകളുണ്ടെന്നും പോലീസ് ശിക്ഷിച്ചാലും കുഴപ്പമില്ലെന്നും ഈ സമയം മറ്റ് യാത്രക്കാരാരും റോഡില്‍ ഇല്ലായിരുന്നു എന്നുമായിരുന്നു അധീറിന്റെ മറുപടി.
പ്രതികരിക്കാൻ ഇവിടെ എഴുതുക: