കൊച്ചി: കലൂർ രാജ്യാന്തര സ്റ്റേഡിയത്തിന്റെ പരിസരത്ത് നിന്നും വൻ ലഹരിവേട്ട. യുവതി ഉൾപ്പെടെ അഞ്ച് പേരെ ഇവിടെ നിന്നും അറസ്റ്റ് ചെയ്തു. കോട്ടയം സ്വദേശിനിയായ യുവതി ഉൾപ്പെടെ അഞ്ച് പേരെയാണ് അറസ്റ്റ് ചെയ്തത്. 25 ലക്ഷത്തോളം വിലമതിക്കുന്ന അരക്കിലോയോളം രാസലഹരിയാണ് ഇവരിൽ നിന്നും പിടിച്ചെടുത്തത്.
തുമ്പിപ്പെണ്ണ് എന്നറിയപ്പെടുന്ന പ്രധാനിയും സംഘവുമാണ് പിടിയിലായത്. ഹിമാചൽപ്രദേശിൽ നിന്നും രാസലഹരി ഓൺലൈൻ മുഖേന ഓർഡർ ചെയ്ത് ഇത് നഗരത്തിൽ വിൽക്കുന്നതായിരുന്നു സംഘത്തിന്റെ രീതി. ഇന്നലെ രാത്രി എട്ട് മണിയോടെയായിരുന്നു സംഘത്തെ പിടികൂടിയത്.
കോട്ടയം സ്വദേശി മുട്ടത്താട്ടുചിറയിൽ സൂസിമോൾ, അങ്കമാലി സ്വദേഷി എൽറോയ്, കാക്കനാട് സ്വദേശി അജ്മൽ, ചെങ്ങമനാട് സ്വദേശി അമീർ എന്നിവരാണ് പിടിയിലായത്. കാറിൽ ബാഗുകളിലായി സൂക്ഷിച്ചിരുന്ന എംഡിഎംഎയും അമീറിന്റെ വസ്ത്രത്തിന്റെ പോക്കറ്റുകളിൽ സൂക്ഷിച്ചിരുന്ന മയക്കു മരുന്നും കണ്ടെടുത്തു.
പ്രതികരിക്കാൻ ഇവിടെ എഴുതുക: