അമിത ഫോൺ ഉപയോഗം ചോദ്യം ചെയ്തതിന് അമ്മയെ തലയ്‌ക്കടിച്ച് കൊലപ്പെടുത്തി മകൻ

കാസർകോഡ്: അമിത ഫോൺ ഉപയോഗം ചോദ്യം ചെയ്തതിനെ തുടർന്ന് അമ്മയെ തലക്കടിച്ച് കൊന്ന മകൻ അറസ്റ്റിൽ. നീലേശ്വരം സ്വദേശിനിയായ രുഗ്മിണിയാണ് 36-കാരനായ മകന്റെ ആക്രമണത്തിൽ കൊല്ലപ്പെട്ടത്. 63 വയസായിരുന്നു. മകൻ സുജിത്തിനെ പോലീസ് അറസ്റ്റ് ചെയ്തു.

വ്യാഴാഴ്ച പുലർച്ചെയായിരുന്നു സംഭവം. അമിതമായി ഫോൺ ഉപയോഗിക്കുന്നത് ചോദ്യം ചെയ്തതിൽ പ്രകോപിതനായി അമ്മയെ ആക്രമിക്കുകയായിരുന്നു. തലയ്‌ക്ക് അടിപ്പിച്ചും ചുമരിൽ ഇടിപ്പിച്ചും പരിക്കേൽപ്പിക്കുകയായിരുന്നു. ഗുരുതരമായി പരിക്കേറ്റ രുഗ്മിണിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.