പ്രഭാത ഭക്ഷണമായി പുട്ട് കഴിക്കാന് ഇഷ്ടമുള്ളവരാണ് പൊതുവേ മലയാളികള്. നല്ല ചൂടേറിയ പുട്ടിനൊപ്പം പഴവും കോംബിനേഷനായി കഴിക്കുന്നവരാണ് മിക്കവരും.പുട്ട്-പഴം കോംബിനേഷന് വയറിന് അത്ര നല്ലതല്ലന്നാണ് വിദഗ്ധര് പറയുന്നത്. അതുകൊണ്ട് പുട്ടിനൊപ്പം കടലക്കറിയോ ചെറുപയര് കറിയോ കഴിക്കാന് ശ്രദ്ധിക്കണം. പുട്ടും പഴവും ചേര്ത്തുകഴിച്ചാല് അത് ദഹനം മന്ദഗതിയില് ആക്കുന്നു.
പുട്ടിനൊപ്പം കടലയോ ചെറുപയറോ ശീലമാക്കുന്നതാണ് നല്ലത്. ഇവ ശരീരത്തിന് ആവശ്യമായ പ്രോട്ടീന്, വൈറ്റമിനുകള്, കാര്ബോഹൈഡ്രേറ്റ് തുടങ്ങിയ പല ഘടകങ്ങളും നല്കുന്നു. ആവിയില് വേവിച്ചെടുക്കുന്ന ഭക്ഷണമായതു കൊണ്ടു ആരോഗ്യ ഗുണത്തിന്റെ കാര്യത്തില് കേമനാണ് പുട്ട്. കാര്ബോഹൈഡ്രേറ്റ്, പ്രോട്ടീന് എന്നിവയടങ്ങിയ പുട്ട് ഒരു ദിവസം മുഴുവന് ഊര്ജം നല്കാന് സഹായിക്കുന്ന പ്രധാനപ്പെട്ട ഒരു ഭക്ഷണമാണ്.
പ്രോട്ടീന് ഉള്പ്പെട്ട ഭക്ഷണമായതുകൊണ്ടുതന്നെ പേശികളുടെ ആരോഗ്യത്തിന് ഉത്തമമാണിവ. ഒപ്പം രക്തത്തിലെ ഗ്ലൂക്കോസിന്റെ തോത് നിയന്ത്രിച്ചു നിര്ത്താനും ഇത് ബെസ്റ്റാണ്. കടലയിലും ചെറുപയറിലും ധാരാളം നാരുകള് ഉണ്ട്, അതുകൊണ്ടുതന്നെ ഇത് ദഹനത്തിനും സഹായിക്കും.
