കൊച്ചി: മുംബയില്‍ നിന്ന് കൊച്ചിയിലേക്കുള്ള യാത്രക്കിടെ സഹയാത്രികന്‍ അപമര്യാദയായി പെരുമാറിയെന്ന പരാതിയുമായി മലയാളത്തിലെ യുവ നടി. പൊലീസില്‍ പരാതി നല്‍കി.
സംഭവത്തിന് പിന്നാലെ ക്യാബിന്‍ ക്രൂവിനോട് പരാതിപ്പെട്ടിട്ടും നടപടിയുണ്ടായില്ലെന്നും നടി പറയുന്നു. സീറ്റ് മാറ്റി പ്രശ്‌നം പരിഹരിക്കാനായിരുന്നു ശ്രമമുണ്ടായതെന്ന് നടി പറയുന്നു.എയര്‍ ഇന്ത്യാ വിമാനത്തിലാണ് സംഭവം.
തൊട്ടടുത്ത സീറ്റിലിരിക്കുകയായിരുന്ന യാത്രക്കാരന്‍ മോശമായി പെരുമാറിയെന്നാണ് നടി ആരോപിക്കുന്നത്. ഇയാള്‍ മദ്യലഹരിയിലായിരുന്നുവെന്ന് നടിയുടെ പരാതിയിലുണ്ട്. കൊച്ചിയിലെത്തിയ ശേഷം ഇമെയിലിലൂടെ നടി പൊലീസില്‍ പരാതി നല്‍കുകയായിരുന്നു. ഇന്‍സ്റ്റാഗ്രാം പേജിലൂടെയാണ് താരം ദുരനുഭവം വെളിപ്പെടുത്തിയത്.
സംഭവത്തില്‍ പൊലീസ് പ്രാഥമിക അന്വേഷണം തുടങ്ങി.
പ്രതികരിക്കാൻ ഇവിടെ എഴുതുക: