ന്യൂദല്ഹി: എസ്എന്സി ലാവലിന് കേസ് ഇന്ന് ലിസ്റ്റ് ചെയ്തിരുന്നെങ്കിലും സുപ്രീം കോടതി പരിഗണിച്ചില്ല. തിരക്ക് കാരണം കേസ് പരിഗണിക്കാന് സമയം ലഭിക്കാത്തതിനാല് വീണ്ടും മാറ്റിവച്ചു. പുതിയ തീയതി പിന്നീട് അറിയിക്കും.
ലാവ്ലിന് കേസ് പരിഗണിക്കുന്ന ബഞ്ച് മറ്റൊരു കേസ് രാവിലെ മുതല് വാദം കേട്ടു. ഈ കേസില് വാദം നീണ്ടുപോയതാണ് ലാവലിന് കേസ് ഉള്പ്പെടെ കേസുകള് പരിഗണിക്കാന് സമയം കിട്ടാതിരുന്നതിന് കാരണം.
ഇത് 35ാം തവണയാണ് കേസ് സുപ്രീം കോടതി മാറ്റിവെക്കുന്നത്. ജസ്റ്റിസുമാരായ സൂര്യകാന്ത്, ദീപാങ്കര് ദത്ത എന്നിവരുടെ ബെഞ്ചാണ് കേസ് പരിഗണിക്കുന്നത്.കഴിഞ്ഞ തവണ സിബിഐ അഭിഭാഷകന്റെ അസൗകര്യം മൂലമാണ് കേസ് മാറ്റിയത്.
മുഖ്യമന്ത്രി പിണറായി വിജയന്, മുന് ഊര്ജ വകുപ്പ് സെക്രട്ടറി കെ മോഹനചന്ദ്രന്, ഊര്ജ വകുപ്പ് മുന് ജോയിന്റ് സെക്രട്ടറി എ ഫ്രാന്സിസ് എന്നിവരെ കുറ്റവിമുക്തരാക്കിയ 2017ലെ ഹൈക്കോടതി വിധി ചോദ്യം ചെയ്ത് സിബിഐ സമര്പ്പിച്ച ഹര്ജിയാണ് സുപ്രീം കോടതി പരിഗണിക്കുന്നത്.
വിചാരണ നേരിടേണ്ട വൈദ്യുതി ബോര്ഡ് മുന് സാമ്പത്തിക ഉപദേഷ്ടാവ് കെ ജി രാജശേഖരന് നായര്, ബോര്ഡ് മുന് ചെയര്മാന് ആര് ശിവദാസന്, മുന് ചീഫ് എഞ്ചിനീയര് കസ്തൂരിരംഗ അയ്യര് എന്നിവര് ഇളവു തേടി നല്കിയ ഹര്ജികളും സുപ്രീം കോടതിയുടെ പരിഗണനയിലുണ്ട്.
