ജയ്പൂര് : രാജസ്ഥാനില് പ്രായപൂര്ത്തിയാകാത്ത രണ്ട് സഹോദരിമാര് ആത്മഹത്യ ചെയ്തു. ശനിയാഴ്ചയാണ് പ്രതാപ്ഗഡില് സഹോദരിമാര് വിഷം കഴിച്ചത്.
സഹപാഠിയില് നിന്നുമുള്ള പീഡനമാണ് മക്കളുടെ ആത്മഹത്യയ്ക്ക് കാരണമെന്ന് കുടുംബം ആരോപിച്ചു. സംഭവത്തില് പ്രായപൂര്ത്തിയാകാത്ത കുട്ടിയടക്കം മൂന്നുപേരെ പൊലീസ് കസ്റ്റഡിയിലെടുത്തു.
പീപ്പല് ഖൂണ്ടിലെ ഹോസ്റ്റലില് താമസിച്ചാണ് സഹോദരിമാര് പഠിച്ചത്. ഒരു സഹപാഠിയും രണ്ട് സുഹൃത്തുക്കളും ഉള്പ്പെടെ മൂന്ന് പേര് മക്കളെ ഉപദ്രവിക്കാറുണ്ടായിരുന്നുവെന്ന് പെണ്കുട്ടിയുടെ പിതാവ് പൊലീസിന് നല്കിയ പരാതിയില് പറയുന്നു. പരാതിയുടെ അടിസ്ഥാനത്തില് മൂന്ന് പേരെ പൊലീസ് കസ്റ്റഡിയിലെടുത്തു.
കേസന്വേഷണത്തിന് പ്രത്യേക സംഘത്തെ നിയോഗിച്ചതായി ബന്സ്വാര ഐജി എസ് പരിമല പറഞ്ഞു. അതേസമയം കോണ്ഗ്രസ് മുഖ്യമന്ത്രി അശോക് ഗെഹ്ലോട്ടിന്റെ സംസ്ഥാനത്ത് പെണ്കുട്ടികള് സുരക്ഷിതരല്ലെന്ന ആരോപണം പ്രതിപക്ഷ നേതാവ് രാജേന്ദ്ര റാത്തോര് ഉന്നയിച്ചു.
