രാജപുരം: മാവേലി സ്റ്റോറില്‍ ആവശ്യ സാധനങ്ങള്‍ കിട്ടാത്തതിനെ തുടര്‍ന്ന് ഒറ്റയാള്‍ സമരം നടത്തി പ്രതിഷേധിച്ചു. കഴിഞ്ഞ ദിവസം പനത്തടി കോളിച്ചാല്‍ വിത്തുകുളത്തെ സുകുമാരന്‍ സാധനങ്ങള്‍ വാങ്ങാന്‍ മാവേലി സ്റ്റോറിലെത്തിയപ്പോള്‍ അഞ്ചോ ആറോ ഇനങ്ങള്‍ മാത്രമേ ഉണ്ടായിരുന്നുള്ളു.
മാവേലി സ്റ്റോറില്‍ അവശ്യ സാധനങ്ങള്‍ കിട്ടാത്തതില്‍ പ്രതിഷേധിച്ച് മുന്‍ പഞ്ചായത്ത് അംഗം കെ.സുകുമാരന്‍ വിത്തുകുളം ഒറ്റയാള്‍ സമരം നടത്തുകയായിരുന്നു.കഴിഞ്ഞ ദിവസം പതിവ് പോലെ ജീവനക്കാരെത്തി തുറന്നപ്പോഴാണ് കോളിച്ചാല്‍ മാവേലി സ്റ്റോറിന് മുന്‍പില്‍ പായവിരിച്ച് കിടന്ന് സുകുമാരന്‍ പ്രതിഷേധിച്ചത്.
വൈകുന്നേരം ആറ് മണി വരെ സമരം തുടര്‍ന്ന സുകുമാരനെ പനത്തടി പഞ്ചായത്ത് അംഗം എന്‍.വിന്‍സെന്റ് വി.സി.ദേവസ്യ തുടങ്ങിയവരെത്തി അനുനയിപ്പിച്ച് സമരം അവസാനിപ്പിക്കുകയായിരുന്നു. ഓണത്തിന് ശേഷം മാവേലി സ്റ്റോറുകളില്‍ വെള്ളകടല, വെള്ളിച്ചെണ്ണ, കുറുവ അരി, മല്ലി എന്നിവയാണ് സബ്‌സിഡി നിരക്കില്‍ സ്റ്റോക്കുള്ള സാധനങ്ങള്‍. പഞ്ചസാര, പയര്‍ ധാന്യങ്ങള്‍ തുടങ്ങിയ അവശ്യ സാധനങ്ങള്‍ കിട്ടുന്നില്ല.
പ്രതികരിക്കാൻ ഇവിടെ എഴുതുക: