ന്യൂദല്‍ഹി: ഇസ്രയേലിലെ ഭീകരാക്രമണത്തില്‍ ഞെട്ടല്‍ രേഖപ്പെടുത്തി പ്രധാനമന്ത്രി നരേന്ദ്ര മോദി. ഇന്ത്യയുടെ പ്രാര്‍ത്ഥന നിരപരാധികളായ ഇരകള്‍ക്കും അവരുടെ കുടുംബങ്ങള്‍ക്കും ഒപ്പമാണെന്ന് സാമൂഹ്യമാധ്യമ പോസ്റ്റില്‍ മോദി പറഞ്ഞു.
ഈ ദുഷ്‌കരമായ വേളയില്‍ ഇന്ത്യ ഇസ്രായേലിനോട് ഐക്യദാര്‍ഢ്യം പ്രകടിപ്പിക്കുന്നുവെന്നും അദ്ദേഹം കൂട്ടിച്ചേര്‍ത്തു.രാജ്യത്തെ നിലവിലെ സാഹചര്യം കണക്കിലെടുത്ത് അവിടെയുളള ഇന്ത്യാക്കാര്‍ ജാഗ്രത പാലിക്കണമെന്നും സുരക്ഷാ പ്രോട്ടോക്കോളുകള്‍ നിരീക്ഷിക്കണമെന്നും ഇന്ത്യ നിര്‍ദ്ദേശിച്ചിട്ടുണ്ട്.
ഇസ്രായേലിലെ ഇന്ത്യന്‍ എംബസിയും അവിടെയുളള ഇന്ത്യാക്കാര്‍ ജാഗ്രത പാലിക്കണമെന്നും അത്യാവശ്യ കാര്യങ്ങള്‍ക്കല്ലാതെ സഞ്ചാരം ഒഴിവാക്കണമെന്നും നിര്‍ദ്ദേശിച്ചു.
അടിയന്തര സാഹചര്യങ്ങളില്‍, എംബസിയെ 97235226748 എന്ന നമ്പറില്‍ ബന്ധപ്പെടാം.
പ്രതികരിക്കാൻ ഇവിടെ എഴുതുക: