ദിണ്ടിഗല്‍: ട്രെയിനില്‍ കളിത്തോക്ക് കാട്ടി യാത്രക്കാരെ ഭീഷണിപ്പെടുത്തിയ നാല് യുവാക്കള്‍ അറസ്റ്റില്‍. മലപ്പുറം സ്വദേശി അമീന്‍ ഷെരീഫ് (19), കണ്ണൂര്‍ സ്വദേശി അബ്ദുല്‍ റസീക് (24), പാലക്കാട് സ്വദേശി ജപല്‍ ഷാ (18), കാസര്‍കോട് സ്വദേശി മുഹമ്മദ് (20) എന്നിവരാണ് അറസ്റ്റിലായത്.
തമിഴ്‌നാട്ടില്‍ വച്ചാണ് മലയാളി യുവാക്കള്‍ അറസ്റ്റിലായത്. പാലക്കാട് – തിരുച്ചെന്തൂര്‍ പാസഞ്ചര്‍ ട്രെയിനിലാണ് സംഭവം.
കൊടൈക്കനാല്‍ റോഡ് സ്റ്റേഷനില്‍ വച്ചാണ് യുവാക്കളെ പൊലീസ് അറസ്റ്റ് ചെയ്തത്. യഥാര്‍ത്ഥ തോക്കാണെന്ന് ധരിച്ച യാത്രക്കാര്‍ അറിയിച്ചതിനെ തുടര്‍ന്ന് പൊലീസ് എത്തി യുവാക്കളെ പിടികൂടുകയായിരുന്നു. പൊലീസിനെ കണ്ടപ്പോള്‍ യുവാക്കള്‍ ഓടി രക്ഷപ്പെടാന്‍ ശ്രമിച്ചിരുന്നു.
യുവാക്കളെ ടിക്കറ്റില്ലാതെ യാത്ര ചെയ്തതിന് പിഴ ഈടാക്കുമെന്ന് അധികൃതര്‍ അറിയിച്ചു. ഇവരുടെ പശ്ചാത്തലം അന്വേഷിച്ച ശേഷം പ്രശ്‌നങ്ങള്‍ ഇല്ലെങ്കില്‍ വിട്ടയയ്‌ക്കുമെന്നാണ് അധികൃതര്‍ അറിയിച്ചത്.
പ്രതികരിക്കാൻ ഇവിടെ എഴുതുക: