അമൃത്‌സര്‍: സുവര്‍ണ്ണ ക്ഷേത്രത്തില്‍ സന്ദര്‍ശനത്തിനെത്തിയ വേളയില്‍ പാത്രം കഴുകി കേണ്‍ഗ്രസ് എംപി രാഹുല്‍. പാത്രങ്ങള്‍ കഴുകുന്നതിന്റെ വൈറല്‍ ചിത്രങ്ങള്‍ ഇതിനോടകം തന്നെ പുറത്തുവന്നിട്ടുണ്ട്. ദേശീയ ജനറല്‍ സെക്രട്ടറി കെ.സി. വേണുഗോപാലിനൊപ്പമായിരുന്നു സുവര്‍ണ ക്ഷേത്ര സന്ദര്‍ശനം.
രാഹുല്‍ ശ്രീകോവിലിന്റെ പ്രവേശന കവാടത്തിലെ സ്റ്റീല്‍ ഗ്രില്ലുകള്‍ വൃത്തിയാക്കിയാക്കുന്നതായി വീഡിയോയില്‍ കാണാമായിരുന്നു. സ്ത്രീകളോടൊപ്പം പച്ചക്കറികള്‍ മുറിച്ചു. ഭക്തര്‍ വെള്ളം കുടിക്കുന്ന ഗ്ലാസുകളും പാത്രങ്ങളും സന്നദ്ധപ്രവര്‍ത്തകര്‍ക്കൊപ്പം മണ്ണുകൊണ്ടും വെള്ളം കൊണ്ടും രാഹുലും വേണുഗോപാലും കഴുകി. -വീഡിയോ പ്രചരിക്കുന്നതിന് പിന്നാലെ നിരവധി പേരാണ് കമന്റുമായെത്തുന്നത്. ട്രോള്‍ മഴ തന്നെയാണ് വീഡിയോയ്‌ക്കും ചിത്രത്തിമും ലഭിക്കുന്നത്.
വൈകിട്ട് ശുചീകരണ പ്രവര്‍ത്തനങ്ങളിലും പങ്കാളിയായി. പഞ്ചാബിലെ എ.എ.പി. സര്‍ക്കാര്‍ കോണ്‍ഗ്രസ് എം.എല്‍.എ സുഖ്പാല്‍ സിങ് ഖൈറയെ മയക്കുമരുന്ന് കേസില്‍ അറസ്റ്റു ചെയ്ത രാഷ്‌ട്രീയ വിവാദം മൂര്‍ച്ഛിക്കുന്നതിനിടയിലാണ് രാഹുലിന്റെ സന്ദര്‍ശനം.
പ്രതികരിക്കാൻ ഇവിടെ എഴുതുക: