തിരുവനന്തപുരം: സംസ്ഥാനത്ത് വരും മണിക്കൂറുകളിലും ശക്തമായ മഴ തുടരുമെന്ന് കാലാവസ്ഥാ വകുപ്പ്. തിരുവനന്തപുരം ജില്ലയില് ഓറഞ്ച് അലര്ട്ട് പ്രഖ്യാപിച്ചു. കനത്ത മഴയിൽ ജില്ലയിലെ താഴ്ന്ന പ്രദേശങ്ങളെല്ലാം വെള്ളത്തിനടിയിലായി. വെള്ളക്കെട്ടിൽ പലയിടത്തും രൂക്ഷമായ ഗതാഗത കുരുക്കും അനുഭവപ്പെട്ടു. തമ്പാനൂർ ബസ് സ്റ്റാൻഡും പരിസരവും വെള്ളം നിറഞ്ഞത് യാത്രക്കരെ സാരമായി ബാധിച്ചു.
സംസ്ഥാനത്ത് വരും മണിക്കൂ റുകളിലും മഴ ശക്തമായി തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കൊല്ലം, പത്തനംതിട്ട, ആലപ്പുഴ ജില്ലകളില് യെല്ലൊ അലര്ട്ടാണ്. നെയ്യാറിലെ ജലനിരപ്പ് അപകടനിലയില് എത്തിയതിനാല് കേന്ദ്ര ജലകമ്മീഷന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
