കോലഞ്ചേരിയിൽ വീട്ടിൽ കയറി നാലുപേരെ വെട്ടിപ്പരിക്കേൽപ്പിച്ച സംഭവം; തന്നെ കളിയാക്കിയതിൽ പ്രകോപിതനായെന്ന് പ്രതി

എറണാകുളം: തന്നെ കളിയാക്കിയതിൽ പ്രകോപിതനായി ആക്രമണം നടത്തുകയായിരുന്നുവെന്ന് കോലഞ്ചേരിയിൽ അയൽവാസികളെ വീട്ടിൽ കയറി വെട്ടിക്കൊലപ്പെടുത്താൻ ശ്രമിച്ച കേസിലെ പ്രതി. അയൽവാസിയായ പ്രതി ഒരു കുടുംബത്തിലെ നാല് പേരെ വെട്ടിപ്പരിക്കേൽപ്പിക്കുകയായിരുന്നു.

ഇന്നലെ വൈകിട്ടായിരുന്നു സംഭവം. കോലഞ്ചേരിയ്‌ക്ക് സമീപം കടയിരുപ്പിലാണ് അയൽവാസിയായ യുവാവ് ആക്രമണം നടത്തിയത്. അനൂപ് മുമ്പും അയൽവാസികളെ ശല്യം ചെയ്തിരുന്നതായി പോലീസ് പറയുന്നു. എഴുപ്രം മേപ്രത്ത് വീട്ടിൽ പീറ്റർ, ഭാര്യ സാലി, മകൾ റോഷ്‌നി, മരുമകൻ ബേസിൽ എന്നിവരാണ് ആക്രമണത്തിന് ഇരയായത്.

ആക്രമണത്തിൽ ഗുരുതരമായി പരിക്കേറ്റ പ്രതികൾ കോലഞ്ചേരി മെഡിക്കൽ കോളേജ് ആശുപത്രിയിൽ ചികിത്സയിൽ തുടരുകയാണ്. നാല് പേരും അപകട നില തരണം ചെയ്തിട്ടുണ്ട്.