തിരുവനന്തപുരം: സംസ്ഥാനത്ത് വ്യാപക മഴ തുടരും. കഴിഞ്ഞ ദിവസങ്ങളില്‍ പെയ്ത മഴയില്‍ മൂന്നുപേരാണ് മരിച്ചത്. ആലപ്പുഴ, കോട്ടയം, ഇടുക്കി, എറണാകുളം ജില്ലകളിലായി അഞ്ച് ദുരിതാശ്വാസ ക്യാമ്പുകള്‍ തുറന്നു. ഇന്ന് തിങ്കളാഴ്ച ആലപ്പുഴ, പത്തനംതിട്ട, എറണാകുളം ജില്ലകളില്‍ യെല്ലോ അലര്‍ട്ട് നല്‍കി.
ഞായറാഴ്ച സംസ്ഥാനത്താകെ ശക്തമായ മഴപെയ്തു. വൈക്കം, ഇരിക്കൂര്‍, തളിപ്പറമ്പ് എന്നിവിടങ്ങളില്‍ 13 സെന്റീമീറ്റര്‍വീതം മഴ പെയ്തു. മുപ്പതിലേറെ കേന്ദ്രങ്ങളില്‍ ഏഴുമുതല്‍ 13 സെന്റീമീറ്റര്‍വരെ മഴ ലഭിച്ചുവെന്നാണ് റിപ്പോര്‍ട്ട്.
തിരുവനന്തപുരത്ത് പുഴയില്‍വീണ ഒരാളെ കാണാതായി. തിരുവനന്തപുരം വിതുരയില്‍ സ്‌കൂട്ടറില്‍ സഞ്ചരിച്ച ഹരിഭവനില്‍ സോമനെ(62)യാണ് പുഴയില്‍ വീണ് കാണാതായത്. ആലപ്പുഴയില്‍ രണ്ടുപേരും മലപ്പുറത്ത് ഒരാളുമാണ് മരിച്ചത്.
പ്രതികരിക്കാൻ ഇവിടെ എഴുതുക: