ഇന്ന് ഡെബിറ്റ് കാർഡ് ഉപയോക്താക്കൾ അല്ലാത്തവരായി ആരും തന്നെയുണ്ടാകില്ല. 907 മില്യൺ കാർഡുകൾ രാജ്യത്ത് ഉപയോഗത്തിലുള്ളത്. ഡെബിറ്റ് കാർഡ് മുഖേന ഇൻഷുറൻസും ലഭ്യമാണ് എന്ന കാര്യം പലർക്കും ധാരണയുണ്ടാകില്ല. പത്ത് ലക്ഷം രൂപ വരെയുള്ള അപകട ഇൻഷുറൻസ് ഡെബിറ്റ് കാർഡുകളിൽ നിന്നും ലഭ്യമാണ്. മിക്ക ഡെബിറ്റ് കാർഡുകളും കോംപ്ലിമെന്ററി അപകട ഇൻഷുറൻസ് ഉറപ്പു നൽകുന്നുണ്ട്.
പേഴ്സണൽ ആക്സിഡന്റ് കവർ, ലയബിളിറ്റി കവർ, പർച്ചേസ് പ്രൊട്ടക്ഷൻ കവർ, ലോസ്/ഡിലേ ഇൻ ബാഗേജ് കവർ എന്നിങ്ങനെ ഡെബിറ്റ് കാർഡ് ഉപയോക്താക്കൾക്ക് നൽകുന്നത് വിവിധ തരം കവറേജുകളാണ്. ഓരോ ഉപയോക്താവിന്റേയും കാർഡ് ടൈപ്പ്, അക്കൗണ്ട് ടൈപ്പ എന്നിവ അനുസരിച്ച് പരിരക്ഷകളും മാറും. ഇൻഷുറൻസ് നിരക്കിലും മാറ്റമുണ്ട്. ആക്സിസ് ബർഗണ്ടി കാർഡ് 15 ലക്ഷത്തെ കവർ നൽകുമ്പോൾ ലിബേർട്ടിയിൽ അഞ്ച് ലക്ഷത്തിന്റെ പരിരക്ഷയെ ലഭിക്കുകയുള്ളു.
എസ്ബിഐ ഡെബിറ്റ് കാർഡുകൾ ആക്സിഡന്റ് ഇൻഷുറൻസും പർച്ചേസ് പ്രൊട്ടക്ഷൻ കവറുമാണ് നൽകുന്നത്. ഇൻഷുറൻസ് തുക, എസ്ബിഐ ഗോൾഡ്, പ്ലാറ്റിനം, പ്രൈഡ് , പ്രീമിയം എന്നീ കാർഡുകൾക്ക് അനുസരിച്ച് മാറ്റം വരും. ഇത് ക്ലെയിം ചെയ്യുന്നതിനായി ബാങ്കിലെത്തി ഫോം പൂരിപ്പിച്ച് നൽകുക. കൂടാതെ അപകടത്തിൽ മരണപ്പെട്ട വ്യക്തിയുടെ മരണ സർട്ടിഫിക്കറ്റ്, എഫ്‌ഐആർ റിപ്പോർട്ടിന്റെ കോപ്പി, കാർഡ് ഹോൾഡറുടെയും നോമിനിയുടെയും ആധാറിന്റെ കോപ്പി.
പ്രതികരിക്കാൻ ഇവിടെ എഴുതുക: