ന്യൂദല്‍ഹി: വനിതാ സംവരണ നിയമം പാസാക്കിയതുമായി ബന്ധപ്പെട്ട് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗെ, ജനറല്‍ സെക്രട്ടറി പ്രിയങ്ക ഗാന്ധി എന്നിവരെ സന്ദര്‍ശിക്കാനെത്തിയ നടി അര്‍ച്ചന ഗൗതമിനും പിതാവിനും നേരെ എഐസിസി ആസ്ഥാനത്ത് അക്രമണം. 2022ലെ യുപി തിരഞ്ഞെടുപ്പില്‍ മീററ്റിലെ ഹസ്തിനപുരില്‍ നിന്ന് കോണ്‍ഗ്രസ് മത്സരിച്ച അര്‍ച്ചനയെ പാര്‍ട്ടി ഓഫീസില്‍ പ്രവേശിപ്പിക്കാന്‍ അനുവദിച്ചില്ല. പിതാവിനൊപ്പം കോണ്‍ഗ്രസ് ആസ്ഥാനത്തേക്ക എത്തിയ അര്‍ച്ചന ഗൗതമിനെ പുറത്തുവെച്ച് ഒരു സംഘം തടഞ്ഞു. കാറില്‍ നിന്ന് ഇറങ്ങിയ ഇരുവരേയും മര്‍ദ്ദിച്ചു. പേടിച്ച് മറ്റോരു കാറിന്റെ മറവിലേയക്ക് നീങ്ങി രക്ഷപെടാന്‍ അര്‍ച്ചനയുടെ തലമുടികുത്തില്‍ പിടിച്ച് വലിച്ചിഴച്ചു. പിതാവിനേയും അടിച്ചു. ഡ്രൈവര്‍ക്ക് ക്രൂരമായ മര്‍ദ്ദനമാണ് ഏറ്റത്. അകത്തേക്ക് കടത്തിവിടരുതെന്ന് നിര്‍ദ്ദേശമുണ്ടന്നു പറഞ്ഞായിരുന്നു ആക്രമണം.
പൊതുമധ്യത്തില്‍ ബലാല്‍സംഗം ചെയ്യപ്പെട്ട അനുഭവമായിരുന്നുവന്ന് സംഭവം വിവരിച്ചുകൊണ്ട് അര്‍ച്ചന പറഞ്ഞു.
‘അവര്‍ ഞങ്ങളെ ഓഫീസിലേക്ക് പ്രവേശിക്കാന്‍ അനുവദിച്ചില്ല, ഗേറ്റ് തുറന്നില്ല. നിങ്ങളെ അകത്തേയ്‌ക്ക് വിടണ്ടെന്ന് ഉത്തരവ് ലഭിച്ചിട്ടുണ്ടെന്ന് അവര്‍ പറഞ്ഞു. അതിനു പിന്നിലെ കാരണം എനിക്കറിയില്ല. ഞാന്‍ അവിടെ നിന്ന് രക്ഷപ്പെട്ടു, ഒരുവിധം ജീവന്‍ രക്ഷിച്ചു. അവരെ അഭിനന്ദിക്കാന്‍ മാത്രമാണ് അവിടെ പോയത്. ബിഗ് ബോസ് അവസാനിച്ചതിന് ശേഷം പാര്‍ട്ടി ഓഫീസ് സന്ദര്‍ശിച്ചിട്ടില്ലാത്തതിനാല്‍ എന്നെ നന്നായി സ്വാഗതം ചെയ്യുമെന്ന് കരുതി . എന്നോട് മോശമായി പെരുമാറിയ സ്ത്രീകളും ഉണ്ടായിരുന്നു. റോഡില്‍ പാര്‍ക്ക് ചെയ്തിരുന്ന കാറുകളില്‍ ചേര്‍ത്ത് എന്നെ ഇടിക്കുകയായിരുന്നു, അതിലൊന്നില്‍ ഒളിച്ചിരിക്കാമെന്ന പ്രതീക്ഷിച്ചപ്പോള്‍ അവര്‍ എന്റെ മുടിയില്‍ പിടിച്ച് വലിച്ചു. അത് ഒരു നടുറോഡിലുള്ള ബലാല്‍സംഗത്തില്‍ കുറവായിരുന്നില്ല. ഞാന്‍ അവരോട് കൂപ്പുകൈകളോടെ അപേക്ഷിച്ചു. അച്ഛന്‍ വല്ലാതെ പേടിച്ചുപോയി. രാഹുല്‍ ഗാന്ധിയില്‍ നിന്നോ പ്രിയങ്ക ഗാന്ധിയില്‍ നിന്നോ ഒരു കോള്‍ ലഭിക്കുമെന്ന് പ്രതീക്ഷിക്കുന്നു. അവര്‍ ഇപ്പോള്‍ എനിക്കായി ഒരു നിലപാട് എടുത്തില്ലെങ്കില്‍ ഞാന്‍ തകര്‍ന്നുപോകും. ഞാന്‍ എപ്പോഴും അവരെ പിന്തുണച്ചിട്ടുണ്ട്.’ വികാരാധീനയായ അര്‍ച്ചന ഗൗതം സംഭവം വിവരിച്ചു,
‘ഖത്രോണ്‍ കെ ഖിലാഡി 13’ എന്ന ടിവി ഷോയിലെ മത്സരാര്‍ത്ഥി കൂടിയായ അര്‍ച്ചനയ്‌ക്ക് പ്രിയങ്കാ ഗാന്ധിയുടെ പേഴ്‌സണല്‍ അസിസ്റ്റന്റ് സന്ദീപ് കുമാറില്‍ നിന്നും വധഭീഷണിയുണ്ടായതായി നേരത്തെ വാര്‍ത്തയുണ്ടായിരുന്നു.കഴിഞ്ഞ വര്‍ഷം സല്‍മാന്‍ ഖാന്റെ ബിഗ് ബോസ് 16 ല്‍ പങ്കെടുത്തതിന് ശേഷം നടി അര്‍ച്ചന ഗൗതം പ്രശസ്തിയിലേക്ക് ഉയര്‍ന്നത്. ബിഗ് ബോസ് ചരിത്രത്തിലെ ഏറ്റവും രസകരമായ മത്സരാര്‍ത്ഥികളില്‍ ഒരാളായി വാഴ്‌ത്തപ്പെട്ടു.
പ്രതികരിക്കാൻ ഇവിടെ എഴുതുക: