എംഎം മണിയുടെ പേപിടിച്ച ജ്വൽപ്പനങ്ങൾ.;കേരളം കണ്ട ഏറ്റവും വലിയ അശ്ലീലവും അപമാനവും

എംഎം മണിയുടെ പേപിടിച്ച ജ്വൽപ്പനങ്ങൾ….

കേരളം കണ്ട ഏറ്റവും വലിയ അശ്ലീലവും അപമാനവുമാണ് ഉടുമ്പൻചോല എംഎൽഎ എം എം മണി…

നെടുങ്കണ്ടത്ത് എംവിഡി ഉദ്യോഗസ്ഥരുടെ അമ്മയെയും പെങ്ങളെയും വരെ പരസ്യമായി, ഏറ്റവും ഹീനമായ രീതിയിൽ പൊതുസമൂഹത്തിന് മുൻപിൽ അപമാനിച്ച സാഹചര്യം എന്തുതന്നെ ആയാലും അടിച്ചു പല്ലു കൊഴിക്കേണ്ടത് തന്നെയാണ് …!

നമ്മുടെ നാട്ടിൽ സിപിഐഎം നേതൃത്വത്തിൽ ഇരിക്കുന്ന വൃത്തികെട്ട സംസ്കാരത്തിനുടമകളായ പ്രത്യേകിച്ച് എംഎം മണിയെപ്പോലുള്ളവരുടെ വായിൽ ഇയ്യം ഉരുക്കി ഒഴിക്കേണ്ട നാൾ അതിക്രമിച്ചു എന്ന് വേണം പറയാൻ.

മൂന്നാറിൽ സമരം ചെയ്ത പെമ്പിളൈ ഒരുമ പ്രവർത്തകർക്കെതിരെ അന്ന് പൊതുവേദിയിൽ അഭിസാരികവൃത്തി ആരോപിച്ച മണിയെ അന്ന് ഇടുക്കിയിലെ സ്ത്രീ സമൂഹം ചാണകത്തിൽ ചൂൽ മുക്കി ശുദ്ധിക്രിയ ചെയ്യേണ്ടതായിരുന്നു.’ നിർധനരും നിരാലംബരുമായ അവർക്ക് അന്ന് അതിന് സാധിച്ചില്ല.

മണിയുടെ പേപിടിച്ച വൃത്തികെട്ട ജ്വൽപ്പനങ്ങൾ നാടൻ ഭാഷ എന്ന തരത്തിൽ ലഘൂകരിക്കാനാണ് സിപിഐഎം നേതൃത്വം ശ്രമിച്ചത്. ടിവി ചാനലുകളിലോ ,പൊതു വേദികളിലോ ,ഉദ്ഘാടന സദസുകളിലോ എംഎം മണിയാണ് പ്രത്യക്ഷപ്പെടുന്നതെങ്കിൽ സ്വന്തം കുടുംബാംഗങ്ങളെ വിലക്കേണ്ട സാഹചര്യമാണ് ജനങ്ങൾക്കുള്ളത്.

ഇടുക്കിയിലെ അനധികൃത കയ്യേറ്റങ്ങൾ ഒഴിപ്പിക്കാൻ തീരുമാനമെടുത്ത പിണറായി വിജയനെ പറയാതെ കലക്ടറേയും ഉദ്യോഗസ്ഥരെയും ഒന്നടങ്കം അപമാനിക്കുകയും വെല്ലുവിളിക്കുകയും ചെയ്തത് ഇന്നും ഇന്നലെയുമായി ജനങ്ങൾ കണ്ടിരുന്നു.

മടിയിൽ കനമില്ലെങ്കിൽ മണി നാടൻ ഭാഷ പ്രയോഗിക്കേണ്ടത് ഉദ്യോഗസ്ഥർക്ക് മുൻപിലല്ല, കാരണ ഭൂതത്തിന്റെ മുൻപിലാണ്.

‘വായിൽ ചുമക്കുന്നത് സെപ്റ്റിക് ടാങ്കാണ് എന്ന അഹങ്കാരത്തിൽ’ മുൻപ് ദേവികുളം കളക്ടറെ വെല്ലുവിളിച്ചതും. വൺ… ടു… ത്രി പോലെ മറക്കാതെ ജനങ്ങളുടെ മനസ്സിൽ ഉണ്ട്.