തിരുവനന്തപുരം: കാര്യവട്ടം, ഗ്രീന്‍ഫീല്‍ഡ് സ്റ്റേഡിയത്തില്‍ ഇന്ന് നിശ്ചയിച്ചിരുന്ന സന്നാഹ മത്സരം ഉപേക്ഷിച്ചു. ദക്ഷിണാഫ്രിക്ക – അഫ്ഗാനിസ്ഥാന്‍ മത്സരമാണ് കനത്ത മഴയെ തുടര്‍ന്ന് ഉപേക്ഷിച്ചത്.
ടോസ് പോലും നടന്നില്ല. ഇനി മൂന്ന് മത്സരങ്ങള്‍ കൂടി ഈ സ്റ്റേഡിയത്തില്‍ നിശ്ചയിച്ചിട്ടുണ്ട്. നാളെ നെതര്ലന്ഡ്സ്- ഓസ്ട്രേലിയ മത്സരമാണ്.
അടുത്ത മാസം രണ്ടിന് ന്യൂസിലന്‍ഡ് – ദക്ഷിണാഫ്രിക്ക മത്സരവും ഗ്രീന്‍ഫീല്‍ഡിലാണ്. ഇതിന് തൊട്ടടുത്ത ദിവസം ഇന്ത്യ, നെതര്‍ലന്‍ഡ്സിനെ നേരിടും.
അതിനിടെ പാകിസ്ഥാന്‍ – ന്യൂസിലന്‍ഡ് മത്സരം ഹൈദരാബാദ് രാജീവ് ഗാന്ധി രാജ്യന്തര സ്റ്റേഡിയത്തില്‍ നടക്കുകയാണ്. ഗുവാഹത്തില്‍നടക്കുന്ന മറ്റൊരു മത്സരത്തില്‍ ടോസ് നേടി ശ്രീലങ്ക ബംഗ്ലാദേശിനെ നേരിടുന്നു.
പ്രതികരിക്കാൻ ഇവിടെ എഴുതുക: