കല്‍പ്പറ്റ: വയനാട് പുല്‍പ്പള്ളി സഹകരണ ബാങ്ക് തട്ടിപ്പുകേസില്‍ കെപിസിസി ഭാരവാഹി കെ.കെ എബ്രഹാമിന്റെ വിശ്വസ്തന്‍ അറസ്റ്റില്‍. സജീവന്‍ കൊല്ലപ്പള്ളിയെ ആണ് ഇഡി അറസ്റ്റ് ചെയ്തത്. കേസില്‍ കെ.കെ എബ്രഹാമിനം നേരത്തെ വിജിലന്‍സ് അറസ്റ്റ് ചെയ്തിരുന്നു.
വായ്പ തട്ടിപ്പിന് ഇടനിലക്കാരനായി നിന്ന സജീവന്‍ കള്ളപ്പണം വെളുപ്പിച്ചെതിനാണ് ഇഡിയുടെ പിടിയിലായത്. കോടതിയില്‍ ഹാജരാക്കിയ ഇയാളെ അടുത്ത മൂന്ന് ദിവസത്തേക്ക് ഇഡിയുടെ കസ്റ്റഡിയില്‍ വിട്ടു. ബാങ്ക് ഭരണ സമിതി അംഗങ്ങളും ജീവനക്കാരും അടക്കം 10 പേരാണ് പ്രതികള്‍. തുച്ഛമായ വിലയുള്ള ഭൂമിക്ക് ബിനാമി വായ്പകള്‍ അനുവദിച്ച് കോടികള്‍ തട്ടിയതാണ് കേസ്.
ബാങ്കില്‍ നിന്ന് 80000 രൂപ മാത്രം വായ്പയെടുത്ത പുല്‍പ്പള്ളി കേളക്കവല ചെമ്പകമൂല സ്വദേശി രാജേന്ദ്രന്‍ നായര്‍ ജീവനൊടുക്കിയ സംഭവത്തിന് പിന്നാലെയാണ് വിജിലന്‍സ് സംഘം എബ്രഹാമിനെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: