ഫ്‌ളിപ്കാർട്ട് ബിഗ്ബില്യൺ ഡേ സെയിൽ എത്തുന്നു; ഉപയോക്താക്കളെ കാത്തിരിക്കുന്നത് ആകർഷകമായ ഓഫറുകൾ..

ഫ്‌ളിപ്കാർട്ടിന്റെ വാർഷിക വിൽപ്പന മേളയായ ബിഗ് ബില്യൺ ഡേ സെയിൽ എത്തുന്നു. മേളയുടെ തീയതി ഇതുവരെ പ്രഖ്യാപിച്ചിട്ടില്ല. എന്നാൽ വിൽപ്പനമേളയുമായി ബന്ധപ്പെട്ട് പ്രത്യേക ടീസർ പേജുകൾ ഇതിനോടകം തന്നെ സജീവമായി. ഇന്റൽ ഇവോയുമായി സഹകരിച്ചുകൊണ്ടാണ് ഇത്തവണ വിപണനമേള എത്തുന്നത്. ഇന്റൽ പ്രൊസസറുകളോടെയെത്തുന്ന ലാപ്‌ടോപ്പുകൾക്ക് മികച്ച ഡീലുകൾ ഉണ്ടാകുമെന്നാണ് പ്രതീക്ഷ.

ഒക്ടോബർ ഒന്ന് മുതൽ വിൽപ്പനമേളയിലെ പ്രധാനപ്പെട്ട ഡീലുകൾ ഏതൊക്കെയെന്ന് ഫ്‌ളിപ്കാർട്ട് പുറത്തുവിടും. ഐഫോണുമായി ബന്ധപ്പെട്ടുള്ള ഡീലുകളും ഈ ദിവസം തന്നെ പുറത്തുവിടും. ശേഷം ഒക്ടോബർ മൂന്നിന് സാംസങ് ഡീലുകളും ഒക്ടോബർ നാലിന് പോകോ ഡീലുകളും റിയൽമി ഡീലുകളും ഡിസ്‌കൗണ്ടുകളും സംബന്ധിച്ച വിവരം പുറത്തുവിടും.

ഇലക്ട്രോണിക്‌സ്, ആക്‌സസറീസ് എന്നിവയ്‌ക്ക് 50 മുതൽ 80 ശതമാനം വരെ വിഴക്കിഴിവ് ഉണ്ടാകുമെന്നാണ് ഫിളിപ്കാർട്ട് പ്രഖ്യാപിച്ചിരിക്കുന്നത്. ടിവി ഉൾപ്പെടെ മറ്റ് ഗൃഹോപകരണങ്ങൾക്ക് 80 ശതമാനം വരെയും കിഴിവുണ്ടാകും. ഫാഷൻ ഉത്പന്നങ്ങൾക്ക് 60 മുതൽ 90 വരെ കിഴിവാകും ഉണ്ടാകുക.